सौंदर्याची भूरळ पाडून 150 जणांचं आयुष्य उद्धवस्त केलं, तुरुंगात करते योगा अन् डान्स, बॉयफ्रेंड बंटीलाही अटक
Crime News UP : कुख्यात अंशिका सिंह गँगचा फरार सदस्य आणि तिचा प्रियकर बंटी याला पोलिसांनी अटक केली असून, संपूर्ण गँग आता गजाआड झाली आहे. ब्लॅकमेलिंगद्वारे 150 हून अधिक लोकांना जाळ्यात ओढणाऱ्या या 'लेडी डॉन'वर आता गँगस्टर ॲक्ट अंतर्गत कठोर कारवाई करण्यात येत आहे.
ADVERTISEMENT
बातम्या हायलाइट
सौंदर्याची भूरळ पाडून 150 जणांचं आयुष्य उद्धवस्त केलं
तुरुंगात करते योगा अन् डान्स, बॉयफ्रेंड बंटीलाही अटक
Crime News UP : 'लेडी डॉन' या नावाने कुख्यात असलेल्या अंशिका सिंह गँगच्या विरोधात पोलिसांनी मोठी कारवाई करत एक महत्त्वपूर्ण यश संपादन केले आहे. पोलिसांनी सोमवारी अंशिकाचा प्रियकर आणि प्रदीर्घ काळापासून फरार असलेला आरोपी आकाश ऊर्फ बंटी वर्मा याला नंदानगर रेल्वे लाईन परिसरातून अटक केली आहे. बंटी हा त्या गोळीबार प्रकरणात सामील होता, ज्या घटनेने संपूर्ण शहरात खळबळ उडवून दिली होती. या प्रकरणाची सुरुवात 20 जानेवारी रोजी झाली होती, ज्या दिवशी योगायोगाने अंशिका सिंहचा वाढदिवस होता. अंशिका तिचे साथीदार बंटी आणि अर्जुन वर्मा यांच्यासह सिंघडिया येथील एका मॉडेल शॉपसमोर वाढदिवस साजरा करत होती. याच दरम्यान तिने एका खासगी रुग्णालयाचे व्यवस्थापक विशाल मिश्रा यांच्याकडे खंडणीची मागणी केली. जेव्हा विशाल यांनी पैसे देण्यास नकार दिला, तेव्हा अंशिकाने भररस्त्यात पिस्तूल काढून त्यांच्यावर गोळी झाडली. मात्र, तिचा नेम चुकला आणि गोळी विशाल यांचा ड्रायव्हर अमिताभ निषाद याच्या पोटाला लागली. जखमी चालकाला तात्काळ रुग्णालयात दाखल करण्यात आले, तर घटनास्थळी उपस्थित असलेल्या नागरिकांनी हिंमत दाखवून अंशिकाला पिस्तुलासह पकडून पोलिसांच्या स्वाधीन केले होते.
हेही वाचा : Maharashtra weather : राज्यात अस्मानी संकट, 'या' 4 जिल्ह्यांत वादळी वाऱ्यांसह पाऊस घालणार थैमान
ब्लॅकमेलिंगचे मोठे जाळे आणि 150 हून अधिक बळी
अंशिका सिंहची गुन्हेगारी पार्श्वभूमी अत्यंत धक्कादायक असून ती महागडे छंद पूर्ण करण्यासाठी कोणत्याही थराला जाणारी मुलगी म्हणून ओळखली जाते. मूळची हरपूर बुदहट येथील रहिवासी असलेली अंशिका सिंघडिया येथे एक खोली घेऊन एकटीच राहत असे. तिने आपले ऐशोआरामी जीवन जगण्यासाठी ब्लॅकमेलिंगचा मार्ग निवडला होता. ती व्हिडिओ कॉलच्या माध्यमातून लोकांना आपल्या जाळ्यात अडकवायची आणि त्यानंतर त्यांचे रेकॉर्डिंग करून त्यांच्याकडून मोठी रक्कम उकळायची. पोलीस तपासात समोर आलेल्या माहितीनुसार, तिच्या या हनी ट्रॅपच्या जाळ्यात अयोध्या येथील एक क्षेत्राधिकारी (CO) आणि 15 पोलीस कर्मचाऱ्यांसह सुमारे 150 हून अधिक लोक अडकले आहेत. या लोकांकडून तिने लाखो रुपये उकळल्याचा संशय आहे. तिच्या या काळ्या कृत्यांमुळे परिसरातील नागरिकांमध्ये मोठी दहशत होती आणि आता बंटीच्या अटकेमुळे या टोळीची सर्व महत्त्वाची सूत्रे पोलिसांच्या हाती लागली आहेत.
हेही वाचा : भोंदूबाबा खरातसोबतची 'ती' डील तरीही उपजिल्हाधिकारी भांडे-पाटलांची क्रीम खात्यात बदली!
