रक्ताळलेला चेहरा अन् कपडे फाटलेली, प्रेयसीची अवस्था पाहून बॉयफ्रेंड...नेमकं काय घडलं?
Crime News : एका 32 वर्षीय अभियंता दीपकने त्याची 27 वर्षीय प्रेयसी साधना सिंगसोबत केलेल्या कृत्यामुळे एकच खळबळ उडाली.
ADVERTISEMENT
बातम्या हायलाइट
बॉयफ्रेंडनंच केली गर्लफ्रेंडची हत्या
दिल्लीत नेमकं काय घडलं?
Crime News : दिल्लीतील नरेला परिसरात एक काळीज पिळवटून टाकणारी घटना उघडकीस आली आहे. एका 32 वर्षीय अभियंता दीपकने त्याची 27 वर्षीय प्रेयसी साधना सिंगसोबत केलेल्या कृत्यामुळे एकच खळबळ उडाली. दीपक आणि साधना यांची नोएडा येथे भेट झाली होती, त्यानंतर ते एकत्र राहू लागले होते. दीपक हा नोएडातील एका कंपनीत नोकरी करत होता. तर साधना ही हरियाणातील फरिदाबाद येथे फॅशन डिझायनिंगचे शिक्षण घेत होती.
हे ही वाचा : जबरदस्त! ऑगस्टच्या सुरुवातीलाच सोनं गडगडलं, किती रुपयांनी स्वस्त झालं? गोल्ड रेट आताच तपासा
दरम्यान, अलीकडेच दीपक दिल्लीतील कोंडली येथे एका कंपनीत नोकरी करत होता. नोकरी बदलल्यानंतर तो नरेला येथील एका फ्लॅटवर राहू लागला. साधना अनेकदा त्याला भेटण्यासाठी त्याच्या फ्लॅटवर यायची. साधनाला कळाले की, दीपकच्या कुटुंबाने त्याला लग्नासाठी दुसरी मुलगी शोधून ठेवली होती.
साधनाने दीपकशी याच विषयी अनेकदा बोलण्याचा प्रयत्न केला. एकदा तर ती याच विषयावर बोलण्यासाठी दीपकच्या फ्लॅटवर गेली होती. मंगळवारी सायंकाळच्या सुमारास दोघांमध्ये वाद झाला. साधनाला वाटले की दीपक तिला फसवत आहे. त्यानंतर हा वाद इतका वाढला की, दोघेही एकमेकांवर रागावले.
रागाच्या भरातच दीपकने...
रागाच्या भरातच दीपकने साधनाला फ्लॅटच्या सहाव्या मजल्याच्या बाल्कनीतून ढकलले. तेव्हा साधना बाल्कनीतून रस्त्याच्या कडेला पडली आणि त्यातच तिचा मृत्यू झाला. रस्त्यावर रक्ताच्या थारोळ्यात साधनाचा मृतदेह अस्ताव्यस्त पडला होता. घटनास्थळी असलेल्या लोकांनी हे चित्र पाहून पोलिसांकडे तक्रार दाखल केली. पोलीस येईपर्यंत साधनाचा मृत्यू झाला. दरम्यान, साधनाच्या शरीरावर खुणा होत्या, तसेच तिचे कपडेही फाटले होते आणि चेहरा रक्ताने माखलेला होता.
हे वाचलं का?
