Satara Crime: सोशल मीडियावर ओळख अन् शाळेतील मुलीवर लॉजवर लैंगिक अत्याचार
सोशल मीडियावर झालेल्या ओळखीनंतर फोटो व व्हिडिओ व्हायरल करून एका अल्पवयीन मुलीवर बलात्कार केल्याची धक्कादायक घटना साताऱ्यात घडली आहे.
ADVERTISEMENT
सातारा: सोशल मीडियावर झालेल्या ओळखीनंतर फोटो व व्हिडिओ व्हायरल करण्याची धमकी देत एका शाळेतील अल्पवयीन मुलीवर साताऱ्यातील कॅफे, तसेच लॉजमध्ये लैंगिक अत्याचार करण्यात आल्याची धक्कादायक घटना समोर आली आहे. या प्रकरणी साताऱ्यातील शाहूपुरी पोलिसात तक्रार दाखल करण्यात आली आहे. (friendship on social media and sexual abuse of a school girl at lodge satara crime)
मिळालेल्या माहितीनुसार, या प्रकरणातील आरोपी संकेत मेंगणे (वय 19 वर्ष रा. मेंगणेवाडी, ता. पन्हाळा, जि. कोल्हापूर, हल्ली रा. शिक्रापूर, जि. पुणे) याच्यावर गुन्हा दाखल करून त्याला तात्काळ अटक करण्यात आली आहे.
नेमकी घटना काय?
पोलिसांनी दिलेल्या माहितीनुसार, सातारा शहर परिसरात एक अल्पवयीन मुलगी कुटुंबीयांसमवेत राहण्यास आहे. इयत्ता नववीत शिकण्यास असलेल्या मुलीची सोशल मीडियाच्या माध्यमातून संकेत नावाच्या तरुणाशी ओळख झाली होती. हळूहळू ही ओळख वाढत गेली आणि सोशल मीडियावर दोघे एकमेकांशी सातत्याने संपर्क साधत गेले.
हे ही वाचा>> CCTV: पुण्यात तरुणाने थेट महिलेच्या कानशिलात लगावली, उच्चभ्रू सोसायटीत काय घडलं?
दोघातील संवाद वाढत गेल्याने संकेत मेंगणे हा वारंवार साताऱ्यात येऊ लागला. त्याचवेळी संकेत हा अल्पवयीन तरुणीला वारंवार भेटत होता. फेब्रुवारी ते एप्रिल दरम्यान संकेतने मुलीसोबत अनेक फोटो आणि व्हिडिओ काढले होते. पण काही दिवसांनी आपल्याकडील हे फोटो व व्हिडीओ व्हायरल करण्याची धमकी संकनेत अल्पवयीन मुलीला देण्यास सुरुवात केली. याच गोष्टीची भीती दाखवून संकेतने मुलीकडे शरीरसुखाची मागणी देखील केली.
हे वाचलं का?
