क्लासला जाण्यासाठी घराबाहेर पडली, नंतर अपहरण करून सामूहिक बलात्कार... पीडितेला 'त्या' ठिकाणी फेकलं अन्...

दोन तरुणांकडून सामूहिक बलात्कार...

पोलिसांनी या प्रकरणाची माहिती देताना सांगितलं की 11 वीत शिकणाऱ्या एका विद्यार्थीनीचं दोन तरुणांनी अपहरण करून तिच्यावर सामूहिक बलात्कार केला. अल्पवयीन तरुणीसोबत असं घृणास्पद कृत्य केल्यानंतर आरोपींनी तिला कारमधून तिच्या घराबाहेर फेकलं आणि ते पळून गेले. पीडिता ट्यूशनला जात असताना आरोपींनी तिच्यासोबत हे लज्जास्पद कृत्य केलं. दोन ते तीन महिन्यांपूर्वी आरोपी आणि पीडितेची इंस्टाग्रामवर ओळख झाली होती. 

हे ही वाचा: 71 वर्षांच्या महिलेवर जडलं प्रेम! लग्नासाठी बोलवलं अन् नको तेच घडून बसलं...

पीडितेचे कुटुंबीय शिवाजी नगर पोलीस स्टेशन परिसरात राहत असल्याची माहिती मुलीच्या वडिलांनी तक्रार करताना सांगितली. तसेच, पीडितेचे वडील गुरुग्राममधील एका खाजगी कंपनीत काम करत असल्याचं सांगण्यात येत आहे. त्यांची मोठी मुलगी 17 वर्षांची असून ती 11वीत शिकत असल्याची माहिती आहे. ती दररोज संध्याकाळी साडे चार ते साडे सहा या वेळेत ट्यूशनला जात होती. 

बराच काळ घरी परतली नाही अन्...

घटनेच्या दिवशी क्लास सुटल्यानंतर पीडिता बराच काळ घरी परतली नसल्याने तिच्या कुटुंबियांना मुलीची चिंता वाटू लागली. कुटुंबियांनी तिचा शोध घेतल्यानंतर सुद्धा ती सापडली नाही. मात्र, रात्री 8 वाजता पीडिता बेशुद्ध अवस्थेत घराबाहेर आढळली.