Fake IAS Officer : पोलिसांना सोबत घेतलं, हॉटेल-रिसॉर्ट मालकांना धमकावलं; तोतया IAS अधिकाऱ्याचे प्रताप वाचा
26 डिसेंबरच्या रात्री तो टॅक्सीने कळंगुटला पोहोचला तेव्हा त्याने येथे तैनात असलेल्या पोलीस कर्मचाऱ्यांना आपण आयएएस अधिकारी असल्याचं सांगितलं आणि पोलिसांना आपलं ओळखपत्र दाखवल्यानंतर आपल्यासोबत येण्यास सांगितले. स्थानिक पोलिसांना सोबत घेऊन, या तोतयाने क्लब आणि हॉटेल चालकांना धमकावलं.
ADVERTISEMENT
बातम्या हायलाइट
तोतया IAS अधिकाऱ्याचे प्रताप ऐकून थक्क व्हाल
स्थानिक पोलिसांच्या मदतीनेच हॉटेल, पब चालकांना धमकावलं
आयएएस अधिकारी असल्याचं सांगत क्लब आणि रिसॉर्ट व्यावसायिकांमध्ये भीती निर्माण करणारा छत्तीसगडचा अभियंता मनोज कुमार याला उत्तर गोवा पोलिसांनी अटक केली. संशयित मनोज कुमार 5 डिसेंबर रोजी उमटवाडा-कळंगुट येथील लांबना रिसॉर्टमध्ये आला. तिथे त्याने रूम बुक केली होती. तिथून त्यानं टॅक्सी भाड्यानं घेतली. त्यानं टॅक्सी चालकाला सांगितलं की, तो ओडिशाचा आयएएस अधिकारी आहे आणि लवकरच त्याची गोव्यात बदली होणार आहे.
20 डिसेंबर रोजी आरोपी आपल्या मैत्रिणीसोबत हॉटेलमध्ये पोहोचला होता. त्यांनं त्या टॅक्सी चालकाला पुन्हा फोन करून गोव्यात आल्याचं सांगितलं. 26 डिसेंबरच्या रात्री तो टॅक्सीने कळंगुटला पोहोचला तेव्हा त्याने येथे तैनात असलेल्या पोलीस कर्मचाऱ्यांना आपण आयएएस अधिकारी असल्याचं सांगितलं आणि पोलिसांना आपलं ओळखपत्र दाखवल्यानंतर आपल्यासोबत येण्यास सांगितले.
हे ही वाचा >> Urmila Kothare: अभिनेत्री उर्मिला कोठारेच्या भरधाव कारने दोघांना चिरडलं, एकाचा मृत्यू
त्याने कळंगुट पोलिसांना काही ठिकाणी पाहणी करायची असल्याचं सांगून काही कर्मचाऱ्यांना सोबत येण्याचे आदेश दिले. संशयिताला सोबत घेऊन कर्मचारी तपासणीसाठी आले होते. सर्वप्रथम सदर व्यक्तीने बागा येथील दोन क्लब आणि शेक व्यावसायिकांना व्यवसाय बंद करण्याचा इशारा दिला.
त्यांनी बनावक अधिकाऱ्याने स्थानिक पोलिस कर्मचाऱ्यांसह बागा येथील टिटोज क्लबला भेट दिली आणि तिथेही त्यांनी क्लबच्या सदस्यांना रात्री उशिरापर्यंत दुकानं आणि हॉटेल्स उघडे ठेवू नका आणि मोठ्या आवाजात गाणी वाजवू नका असा इशारा दिला. यावेळी त्यांनी क्लब मालकांना काही क्लब बंद करण्याची धमकीही दिली.
हे वाचलं का?
