IAS अधिकाऱ्याच्या आजी-आजोबांची आत्महत्या, काळीज पिळवटून टाकणारी सुसाईड नोट
IAS officer grandparents suicide: एका IAS अधिकाऱ्याच्या आजी-आजोबांनी कुटुंबीयांच्या छळाला कंटाळून आत्महत्या केल्याची धक्कादायक घटना हरियाणामध्ये घडली आहे. ज्याप्रकरणी पोलिसांनी कुटुंबातील चार जणांविरुद्ध गुन्हा दाखल केला आहे.
ADVERTISEMENT
चरखी-दादरी (हरियाणा): हरियाणातील चरखी दादरी येथे बुधवारी रात्री IAS विवेक आर्य यांच्या आजी-आजोबांनी आत्महत्या (Suicide) केल्याची धक्कादायक घटना समोर आली आहे. हे भयानक पाऊल उचलण्यापूर्वी वृद्ध दाम्पत्याने सुसाईड नोटही लिहिली होती. पोलिसांनी दाम्पत्याचे मृतदेह शवविच्छेदनासाठी पाठवले असून कुटुंबातील चार जणांवर गुन्हा दाखल करण्यात आला आहे. (Grandparents of IAS officer committed suicide, handed over suicide note to police before death)
मिळालेल्या माहितीनुसार, 78 वर्षीय जगदीश चंद्र आर्य आणि 77 वर्षीय भागली देवी, मूळचे गोपी येथील रहिवासी त्यांचा मुलगा वीरेंद्र आर्यसोबत राहत होते. वीरेंद्र यांचा मुलगा विवेक आर्य 2021 मध्ये IAS झाला. त्याला हरियाणा केडर मिळाले असून तो सध्या प्रशिक्षणार्थी आहे.
अधिक वाचा- मृत्यूपूर्वी आकांक्षा पार्टीत खुश होती; नंतर असं काय झालं की तिने आत्महत्या केली?
दरम्यान, बुधवारी रात्री जगदीश चंद्र आणि त्यांच्या पत्नीने विषारी द्रव्य प्राशन केल्याची माहिती पोलिस नियंत्रण कक्षाला मिळाली. त्यानंतर पोलिसांचे पथक घटनास्थळी पोहोचले. येथे जगदीश यांनी सुसाईड नोट पोलिसांना दिली. वृद्ध दाम्पत्याची प्रकृती ढासळत असल्याचे पाहून पोलिसांनी त्यांना तात्काळ खासगी रुग्णालयात दाखल केले. तेथून दादरी सिव्हिल हॉस्पिटलमध्ये त्यांना पाठविण्यात आले. मात्र, येथे उपचारादरम्यान डॉक्टरांनी दोघांनाही मृत घोषित केले.
सुसाईड नोटमध्ये वृद्ध जोडप्याने लिहिल्या ‘या’ गोष्टी
जगदीश यांनी सुसाईड नोटमध्ये लिहिले आहे की, “मी जगदीश चंद्र आर्य तुम्हाला माझी व्यथा सांगतो. माझ्या मुलाची बाढडा येथे 30 कोटींची संपत्ती आहे, पण त्याच्याकडे मला पुरेसं अन्न देण्यासाठी पैसे नाहीत. मी माझ्या धाकट्या मुलासोबत राहत होतो. पण 6 वर्षांपूर्वी तो मरण पावला. त्याच्या पत्नीने आम्हाला काही दिवस सांभाळलं, पण नंतर ती चुकीचे काम करू लागली. मी विरोध केल्यावर तिने मारहाण करून आम्हाला घरातून हाकलून दिलं.”
हे वाचलं का?
