शिवानीची बॉडी गुपचूप रानात पुरली, पण एकाने पाहिलंच, शेवटी प्रकरण उघडकीस!
Honor killing : उत्तर प्रदेशच्या अलिगढमध्ये शेजारच्या मुलाशी फोनवर बोलल्याच्या रागातून एका निर्दयी बापाने स्वतःच्या 19 वर्षीय मुलीचा गळा आवळून खून केला आणि पुरावा नष्ट करण्यासाठी तिचा मृतदेह शेतात गाडला.
ADVERTISEMENT
बातम्या हायलाइट
शिवानीची बॉडी गुपचूप रानात पुरली
पण एकाने पाहिलंच, शेवटी प्रकरण उघडकीस!
Honor killing : उत्तर प्रदेशातील अलिगढ जिल्ह्यातून ऑनर किलिंगची एक अत्यंत खळबळजनक आणि मनाला चटका लावणारी घटना समोर आली आहे. खैर पोलीस ठाण्याच्या हद्दीत येणाऱ्या जरारा गावामध्ये एका जन्मदात्या बापाने आपल्या पोटच्या मुलीची केवळ या कारणासाठी गळा दाबून निर्घृण हत्या केली, कारण ती शेजारी राहणाऱ्या एका तरुणाशी फोनवर बोलत होती. ही धक्कादायक हत्या केल्यानंतर आरोपीने गुन्ह्याचा कोणताही पुरावा उरू नये या उद्देशाने मुलीचा मृतदेह गावातीलच एका शेतात नेऊन तिथल्या खड्ड्यात पुरून टाकला. या काळीज पिळवटून टाकणाऱ्या प्रकरणाची माहिती मिळताच स्थानिक पोलिसांनी अत्यंत वेगाने चक्र फिरवत आरोपी पित्याला बेड्या ठोकल्या असून त्याच्या मुलीचा मृतदेह खड्ड्यातून बाहेर काढून ताब्यात घेतला आहे.
हेही वाचा : इंटेलिजन्स ब्युरोचा इशारा, अन् कॉकरोज जनता पार्टीचं X हँडल बंद, इन्स्टा अकाऊंटवरही कारवाई?
भयानक हत्याकांडाचा रचला कट
पोलीस प्रशासनाकडून मिळालेल्या अधिकृत माहितीनुसार, या मृत दुर्दैवी तरुणीचे नाव शिवानी (वय अंदाजे 19 वर्षे) असे होते. शिवानीचे तिच्याच गावातील आणि स्वतःच्याच जातीमधील एका शेजारी राहणाऱ्या तरुणाशी फोनवर बोलणे सुरू असायचे. त्या दोघांमध्ये चांगली मैत्री निर्माण झाली होती. मात्र, शिवानीचे अशा प्रकारे शेजारच्या मुलाशी वारंवार फोनवर बोलणे तिचा वडील पूरन सिंह याला अजिबात आवडत नव्हते. आपली मुलगी अशा प्रकारे गावातल्या मुलाशी बोलते या एकाच गोष्टीवरून पूरन सिंह हा नेहमीच खूप अस्वस्थ, खिन्न आणि तिच्यावर प्रचंड संतप्त असायचा, ज्यातूनच पुढे या भयानक हत्याकांडाचा कट रचला गेला.
हेही वाचा : पालघर : अनैतिक संबंधांचा भयानक अंत, पती-पत्नीने मिळून काढला युवकाचा काटा
