पालघर : अनैतिक संबंधांचा भयानक अंत, पती-पत्नीने मिळून काढला युवकाचा काटा
Palghar Crime : पालघर जिल्ह्यातील तलासरी येथे प्रेमसंबंधांच्या वादातून एका युवकाची धारदार हत्याराने वार करून निर्घृण हत्या करण्यात आली असून, पोलिसांनी 24 तासांच्या आत आरोपी पती-पत्नीला अटक केली आहे.
ADVERTISEMENT
बातम्या हायलाइट
पालघर : अनैतिक संबंधांचा भयानक अंत
पती-पत्नीने मिळून काढला युवकाचा काटा
Palghar Crime,मोहम्मद हुसेन खान : पालघर जिल्ह्यातील तलासरी परिसरातून प्रेमसंबंधांशी निगडित वादातून एका युवकाची अत्यंत निर्घृणपणे हत्या करण्यात आल्याची एक खळबळजनक घटना समोर आली आहे. या धक्कादायक हत्याकांडामुळे संपूर्ण परिसरात खळबळ उडाली असून नागरिकांमध्ये भीतीचे वातावरण पसरले आहे. ही घटना उघडकीस आल्यानंतर स्थानिक पोलिसांनी अत्यंत वेगाने आणि तत्परतेने पावले उचलत, गुन्हा घडल्यापासून अवघ्या 24 तासांच्या आत संबंधित आरोपी दाम्पत्याला बेड्या ठोकण्यात मोठे यश मिळवले आहे.
हेही वाचा : इंटेलिजन्स ब्युरोचा इशारा, अन् कॉकरोज जनता पार्टीचं X हँडल बंद, इन्स्टा अकाऊंटवरही कारवाई?
मिळालेल्या अधिकृत माहितीनुसार, या मृत युवकाची हत्या करण्यासाठी धारदार शस्त्रांचा वापर करण्यात आला होता, त्याच्या डोक्यावर गंभीर वार करून त्याला जागेवरच संपवण्यात आले. या भीषण घटनेनंतर परिसरात खळबळ उडाली होता. मृत युवकाच्या कुटुंबीयांनी दिलेल्या तक्रारीनंतर पोलिसांनी तात्काळ या प्रकरणाचा तपास सुरू केला. पालघरचे पोलीस अधीक्षक यतीश देशमुख यांच्या थेट मार्गदर्शनाखाली तलासरी पोलिसांनी या गुन्ह्याच्या तपासासाठी एक विशेष तपास पथक गठीत केले होते. या पथकाने तांत्रिक विश्लेषण आणि गुप्त माहितीच्या आधारे अत्यंत शिताफीने तपास करत आरोपींचा माग काढला आणि त्यांना अटक करण्यात यश मिळवले.
हेही वाचा : शीर तलावात अन् धड रेल्वेत, बापाला आवडला नाही मुलीचा 'तो' निर्णय, अखेर..
