Nanded Crime: फळ विक्रेत्याने दोन्ही हात कोयत्याने तोडले, कारण फक्त हसला अन्…
Nanded Crime News: आपल्यावर हसला या अत्यंत क्षुल्लक गोष्टीवरुन एका फळ विक्रेत्याने एका तरुण भाजी विक्रेत्याचे दोन्ही हात मनगटापासून तोडल्याची अत्यंत भयंकर घटना घडली आहे.
ADVERTISEMENT
नांदेड: दिवसेंदिवस माणसाची सहनशीलता कमी होऊ तो सातत्याने हिंसेकडे वळत असल्याच्या घटना समोर येत आहे. त्यामुळे मागील काही वर्षात गुन्हेगारीचं प्रमाण देखील प्रचंड वाढलं. आता अशीच एक घटना समोर आली आहे की, ज्याने पुन्हा एकदा खळबळ माजली आहे. (in nanded a fruit vendor hacked both hands of a vegetable vendor with a scythe for a trivial reason crime news)
बुधवार (16 ऑगस्ट) रोजी नांदेडमधील भाग्यनगर परिसरात एका अत्यंत क्षुल्लक कारणावरून एक धक्कादायक घटना घडली. केवळ आपल्यावर हसला या अत्यंत क्षुल्लक गोष्टीवरुन एका फळ विक्रेत्याने एका तरुण भाजी विक्रेत्याचे दोन्ही हात मनगटापासून तोडल्याची अत्यंत भयंकर घटना घडली आहे.
नेमकं घडलं तरी काय?
ही घटना नांदेड शहरातील डी मार्ट परिसरातील असून दुपारी आठवडी बाजारात घडलेल्या या घटनेने खळबळ उडाली आहे. मोहम्मद अझहर मोहम्मद अजीज असे जखमी विक्रेत्याचे नाव आहे.याप्रकरणी भाग्यनगर पोलिसांनी गुन्हा दाखल केला आहे.
हे ही वाचा >> Nilima Chavan News : नीलिमा मृत्यू प्रकरणी SBI प्रोजेक्ट मॅनेजरला अटक, कारण…
मोहम्मद अझहर मोहम्मद अझीझ हा आले-लसूण विक्रीचा व्यवसाय करतो. बुधवारी तो डी मार्ट परिसरातील आठवडी बाजारात आला होता. तर त्याच्या शेजारी तरुण मोहम्मद तोहेद हा हातगाडीवर फळे विकत होता. यावेळी दोघांमध्ये काहीशी मस्करी सुरू झाली. पण त्याच दरम्यान दोघांमध्ये अचानक वादावादी सुरू झाली.
हे वाचलं का?
