पत्नीला संपवलं, मग भावाला फोन केला आणि स्वत:ला संपवलं... जळगावमधील धक्कादायक घटना

हे ही वाचा >> भर चौकात कोयते निघाले, दगड भिरकावले... बीडमध्ये गुन्हेगारांचा हैदोस सुरूच, नवा व्हिडीओ समोर

विजय चव्हाण हा सावरगाव येथील शेतात पत्नी वर्षा, मुलं आणि आई-वडिलांसोबत राहत होता. दोन वर्षांपूर्वी झालेल्या अपघातामुळे त्याची मानसिक स्थिती बिघडली होती. यामुळे पती-पत्नीमध्ये नेहमी वाद होत असत. विजयला पत्नीच्या चारित्र्यावर संशय होता. 

सोमवारी सकाळी विजयने आपला मोठा भाऊ अशोक चव्हाण याला फोन करून सांगितलं की, त्याने पत्नीचा खून केला असून, तो स्वतःच्या जीवाचंही बरं वाईट करणार आहे. अशोक आणि त्याच्या पत्नीने शेतात धाव घेतली असता, विजय शेताच्या बांधावर आंब्याच्या झाडाला गळफास घेतलेल्या अवस्थेत आढळला, तर वर्षा मृत अवस्थेत गोठ्यात पडली होती.

हे ही वाचा >> सिंधुताई सपकाळांचं नाव, लग्नासाठी रजिस्ट्रेशनच्या नावाने पैसे उकळले, फसवणुकीचं प्रकरण काय?

अशोक चव्हाण यांच्या तक्रारीवरून चाळीसगाव ग्रामीण पोलिस ठाण्यात गुन्हा दाखल करण्यात आला. घटनेची माहिती मिळताच अतिरिक्त पोलिस अधीक्षक कविता नेरकर, उपविभागीय अधिकारी धनंजय येरुले, पोलिस निरीक्षक राहुलकुमार पवार, उपनिरीक्षक प्रदीप शेवाले, राहुल राजपूत, कॉन्स्टेबल ओमकार सुतार आणि फॉरेन्सिक पथकाने घटनास्थळी भेट देऊन पंचनामा केला आणि पुरावे गोळा केले. या घटनेमुळे सावरगाव आणि हातगाव परिसरात खळबळ उडाली आहे.