झीशान झाला 'समर'.. धर्मांतरणासाठी तरुणीवर दबाव, शरीरसुख अन् दीड लाखांना लुटलं...हादरवून टाकणारी घटना

हेही वाचा : Viral Video : पतीने आपल्याच पत्नीचे अश्लील व्हिडिओ बनवले अन्...

नेमकं प्रकरण काय? 

महिलेनं पोलीस ठाण्यात तक्रारीत सांगितलं की, पुरूषाने दीड लाखांची फसवणूक केली. यानंतर, आरोपीची बहीण आणि मेहुण्याने हिंदू असल्याची ओळख सांगितली. पीडितेकडून सोन्याचे दागिने घेतले. महिलेला आरोपी आणि त्याच्या कुटुंबावर भलताच संशय येऊ लागला होता. पीडितेला समजलं होतं की, तिची फसवणूक होत आहे. तिने ताबडतोब बाराबांकीतील कोतवाली पोलीस ठाण्यात तक्रार दाखल केली. यानंतर, पोलीस संबंधित प्रकरणात पुढील तपास करत आहे. 

आरोपीवर गुन्हा दाखल 

तपासादरम्यान, समोर आलेल्या माहितीमुळे पोलिसांना धक्का बसला. आरोपीने आपले झीशान हे खरे नाव लपवून समर सिंग असल्याचे भासवले आणि पीडितेला लव्ह जिहादचे शिकार बनवले. कोतवाली पोलीस ठाण्याचे एसएचओ आरके पाणा म्हणाले की, तिन्ही आरोपींविरुद्ध भारतीय दंड संहितेच्या 69, 318 (2), आणि 61 (2) कलमांतर्गत गुन्हा दाखल करण्यात आला आहे. याचसोबत, उत्तर प्रदेश बेकायदेशीर धर्मांतर प्रतिबंध कायद्यातील कलमांन्वये गुन्हा दाखल करण्यात आला.  

हेही वाचा : माणुसकीला काळीमा! शिक्षकाने विद्यार्थीनीला शरीरसुखाची केली मागणी, कॅम्पसमध्ये विद्यार्थीनीनं अंगावर रॉकेल ओतून...

आरोपच्या कुटुंबियांवरही गुन्हा दाखल 

या प्रकरणात पोलिसांनी एकाच कुटुंबातील तिघांना अटक केली आहे. यामध्ये मुख्य आरोपी झीशानसह त्याची बहीण शिवाली खान (वय 34), मेहुणा नदीम कुरेशी (वय 36) यांचा यामध्ये समावेश आहे. तिघांवरही महिलेची फसवणूक करत तिचा विश्वासघात केल्या प्रकरणी आरोप आहे. एवढंच नाही,तर आर्थिक शोषणाचाही आरोप करण्यात आला आहे. संबंधित प्रकरणात आता डिजिटल तपास केले जातील, अशी माहिती पोलिसांनी दिली.