राहुल हांडोरेने पुण्यातच रचलेला दर्शना पवारच्या हत्येचा कट?, ‘त्या’ दुकानामुळे…
दर्शना पवार या तरुणीचा तिचाच मित्र राहुल हांडोरेने केलेली हत्या म्हणजे आधीच रचलेला एक कट होता. असा संशय पोलिसांना आहे. याबाबत त्यांना काही पुरावे देखील सापडले आहेत.
ADVERTISEMENT
Darshana Pawar Murder Case: पुणे: MPSC परीक्षेत (MPSC Exam) घवघवीत यश मिळवून क्लास वन अधिकारी बनलेल्या दर्शना पवारची हत्या (Darshana Pawar Murder) तिच्या मित्रानेच केल्याचं उघड झाल्यापासून या प्रकरणात आता धक्कादायक खुलासे होत आहेत. आतापर्यंत असं म्हटलं जात होतं की, राहुल हांडोरेने (Rahul Handore) रागाच्या भरात दर्शनाची हत्या केली होती. मात्र, राहुलने केलेली दर्शनाची हत्या ही काही एका क्षणातील कृती नव्हती. तर राहुलने पुणे सोडण्याआधीच दर्शनाच्या हत्येचा कट रचला असल्याची माहिती समोर आली. (mpsc pune murder darshana pawar accused friend rahul handore preplanned conspiracy police suspect marathi news headlines)
आतापर्यंत या घटनेबाबत अनेक गोष्टी अस्पष्ट आहेत. मात्र, आता आरोपी राहुल हांडोरे याच्या अटकेनंतर दर्शना पवारच्या हत्येबाबत अनेक गोष्टी उघड करत आहेत. दरम्यान, पोलीस सुत्रांनी जी माहिती दिली आहे त्यानुसार, आरोपी राहुलने राजगडला जाण्याआधीच म्हणजे पुण्यातच दर्शनाच्या हत्येचा कट रचल्याचं आता समोर आलं आहे. जे एका दुकानामुळे आता उघड झालं आहे. जाणून घेऊयात याचविषयी सविस्तरपणे.
पुणे, राहुल अन् दर्शना…
दर्शना पवार आणि राहुल हांडोरे हे लहानपणापासूनच एकमेकांचे मित्र होते. दर्शना जेव्हा-जेव्हा आपल्या मामाच्या घरी जायची तेव्हा-तेव्हा तिचा मित्र राहुल तिला तिथे भेटायचा. कारण त्याच घरासमोर दर्शनाचा मामा राहत होता. त्यामुळे अगदी लहानपणापासूनच दोघांची गट्टी होती. अशातच आपल्याला मोठं अधिकारी व्हायचंय असं दोघांचंही स्वप्न.
दर्शना आणि राहुल दोघंही लहानपणापासूनच अभ्यासात हुशार. त्यामुळे पदवीचं शिक्षण सुरू असतानाचा त्यांनी MPSC परीक्षेसाठी सुरुवात केली. पदवीचं शिक्षण पूर्ण होताच राहुलने थेट पुण्याला जाऊन MPSC परीक्षेसाठी तयारी करायची असं ठरवलं. तर दुसरीकडे दर्शनाने देखील पुण्यात येऊन MPSC च्या अभ्यासाला सुरुवात केली. दर्शनाला तिचं ध्येय व्यवस्थितपणे ठावूक होतं. त्यामुळेच तिने संपूर्ण लक्ष आपल्या अभ्यासावर केंद्रीत केलं होतं.
हे वाचलं का?
