मुंबई : सर्वांना सोडलं, शेवटी स्कूल बसमध्ये चिमुरडी एकटी राहिली, ड्रायव्हरने केला अत्याचार

हेही वाचा : रत्नागिरीहून आलेल्या बापटांनी पुणेकरांना शिकवू नये, ठोंबरेंची पोस्ट, नेटकऱ्यांकडून कमेंट्सचा पाऊस

बसमध्ये चालकासोबत एकटी राहिली, नराधमाने साधला डाव 

पोलिसांनी दिलेल्या माहितीनुसार, आरोपीने बुधवारी दुपारी साडेबारा वाजण्याच्या सुमारास बालवाडी आणि प्राथमिक शाळेतील विद्यार्थ्यांना बसमधून घेऊन त्यांच्या घरी सोडण्यास सुरुवात केली. विद्यार्थ्यांना त्यांच्या संबंधित ठिकाणी सोडल्यानंतर तीन वर्षांची चिमुरडी बसमध्ये चालकासोबत एकटी राहिली. याच परिस्थितीचा आरोपीने गैरफायदा घेतल्याचा आरोप आहे. त्याने बसमध्येच चिमुरडीवर लैंगिक अत्याचार केला, अशी माहिती पोलिसांनी दिली.

हेही वाचा : भल्या मोठ्या कोयत्याने थेट माजी नगरसेवकावर सपासप वार अन् आरोपी सगळ्यांसमोरून निवांत गेला निघून!

"बसमधील ‘ड्रायव्हर अंकल’ने आपल्याला त्रास दिला"

चिमुरडी घरी पोहोचल्यानंतर तिने पोटात दुखत असल्याचे सांगितले. त्यानंतर तिने आपल्या आजीला बसमधील ‘ड्रायव्हर अंकल’ने आपल्याला त्रास दिल्याचे सांगितले. चिमुरडीने दिलेल्या माहितीनंतर कुटुंबीयांनी तातडीने संबंधित अधिकाऱ्यांना माहिती दिली. त्यानंतर पोलिसांनी प्रकरणाची दखल घेत आरोपीला ताब्यात घेतले आणि लैंगिक अत्याचाराच्या आरोपाखाली त्याला अटक केली. या घटनेमुळे चिमुरडीच्या कुटुंबीयांनी पोलिसांकडे धाव घेतली.

आरोपीला गुरुवारी न्यायालयात हजर करण्यात आले. न्यायालयाने त्याला शनिवारपर्यंत पोलिस कोठडी सुनावली आहे. पोलिसांनी आरोपीला ताब्यात घेत या प्रकरणात पुढील कारवाई सुरू केली आहे. तीन वर्षांची चिमुरडी घरी परतल्यानंतर तिने आजीला सांगितलेल्या माहितीतून हा प्रकार समोर आला आणि त्यानंतर कुटुंबीयांनी अधिकाऱ्यांना याची माहिती दिली. या प्रकरणात आरोपी चालकाला अटक करण्यात आली असून तो सध्या पोलिसांच्या कोठडीत आहे.