नेव्ही ऑफिसरसह चौघांचा मृत्यू

शनिवारी (15 ऑगस्ट) कफ परेड परिसरातील नेव्ही नगरमध्ये एकाच कुटुंबातील चौघांचे मृतदेह आढळून आले होते. नेव्ही ऑफिसर पूरनमल मेहरा (वय 30), त्याची बायको ओमा (वय 28), मुलगा यश (वय 3) आणि दीड महिन्यांची लेक अशा चौघांचा संशयास्पद मृत्यू झाला होता. गेल्या चार दिवसांपासून या घटनेमुळे सर्वत्र खळबळ उडाली आहे. त्यांचा मृत्यू नेमका कशामुळे झाला असा प्रश्न सर्वत्र उपस्थित केला जात होता. या प्रकरणात इंडियन नेव्हीनेही तपासात सहकार्य करणार असल्याचे सांगितले होते. अखेर पोलिसांनी ही घटना नेमकी कशी घडली असावी याचा उलगडा केला आहे.

हे ही वाचा : ठाकरेंच्या केसमध्ये मोठा ट्वीस्ट? सुप्रीम कोर्ट स्वतःचाच निकाल बदलणार?

येऊन आमचे मृतदेह घेऊन जा'

14 ऑगस्टच्या रात्री पूरनमल यांनी त्यांच्या वडिलांच्या मोबाईलवर एक मेसेज केला होता. 'येऊन आमचे मृतदेह घेऊन जा' (आके हमारी डेड बॉडी लेके जाना) असा तो मेसेज होता. मात्र पोलिसांनी दिलेल्या माहितीनुसार, हा मेसेज करण्यापूर्वी पूरनमल यांनी बायको आणि मुलांची हत्या केली. त्यानंतर तब्बल 24 तास त्यांनी या मृतदेहांसोबत घालवले आणि नंतर आत्महत्या केली. या चोवीस तासात पूरनमल यांनी नक्की काय केलं याची माहिती पोलिसांनी दिली आहे.

हे ही वाचा : ग्राऊंड रिपोर्ट : 'भैय्या लोकं हट्टी आहेत, त्यांनी मराठी बोलावं नाहीतर निघून जावं'

'त्या' चोवीस तासात काय केलं?

आत्महत्या करण्यापूर्वी पूरनमल यांनी तिघांची हत्या करुन आधी घर धुवून, नीटनेटके करुन घेतले. कचऱ्याचा डबा स्वच्छ केला आणि मोबाईलमधील सगळा डेटा डिलिट केला. यामुळे हा एक कोल्ड ब्लडेड मर्डर असल्याचा पोलिसांना संशय आहे. 15 ऑगस्ट रोजी पूरनमल यांच्या आईने मेसेज बघितला आणि घटना उघडकीस आली. पोलीस घरी पोहोचले तेव्हा बायको आणि मुलांचे मृतदेह कुजण्यास सुरुवात झाली होती, तर पूरनमल यांचा मृतदेह कुजण्याची प्रक्रिया सुरु झाली नव्हती. यावरुन त्यांच्या मृत्यूमध्ये चोवीस तासाचं अंतर असल्याचं बोललं जात आहे. या प्रकरणी पूरनमल यांच्या भावाचा जबाब घेण्यात आला असून त्यांच्या पत्नीच्या कुटुंबियांचाही जबाब नोंदवला जाणार आहे. सध्या मृतदेहांचे शवविच्छेदन सुरु असून अहवाल आल्यानंतरच मृत्यूचे नेमके कारण समोर येईल.