15 हून अधिक महिलांचे आक्षेपार्ह व्हिडिओ

पोलिस अधिकाऱ्यांच्या माहितीनुसार, मृत तरुणाचे बऱ्याच काळापासून अनेक महिलांशी संबंध होते आणि त्याने त्या सर्वांचे प्रायव्हेट व्हिडिओ त्याच्या लॅपटॉप आणि हार्ड डिस्कमध्ये रेकॉर्ड केले होते. हिंदुस्तान टाईम्सच्या वृत्तानुसार, मृताने अनेक महिलांसोबत असं घाणेरडं कृत्य केलं होतं. त्याचा लॅपटॉप अद्याप जप्त करण्यात आला नाही, परंतु त्याच्या हार्ड डिस्कमध्ये 15 हून अधिक महिलांचे आक्षेपार्ह व्हिडिओ सापडल्याची माहिती एका वरिष्ठ अधिकाऱ्यांनी दिली.

जळालेला मृतदेह आढळला

ही घटना 3 ऑक्टोबर रोजी घडल्याची माहिती आहे. त्यावेळी गांधी विहारमधील चौथ्या मजल्यावर असलेल्या अपार्टमेंटमध्ये आग लागल्याची माहिती पोलिसांना मिळाली. पोलीस आणि अग्निशमन दलाच्या जवानांनी घटनास्थळी येऊन आग विझवली, त्यानंतर त्यांना आत एक जळालेला मृतदेह आढळला. प्राथमिक तपासात एसीच्या ब्लास्टमुळे आग लागल्याचं दिसून आले आणि निष्काळजीपणाने आग लागल्याचा गुन्हा दाखल करण्यात आला. मात्र, तपास जसजसा पुढे सरकत गेला तसतसं अपघात नसून पूर्वनियोजित हत्या असल्याचं स्पष्ट झालं.

मृत तरुणाची लिव्ह-इन पार्टनर अमृता चौहान हिने तिचा एक्स-बॉयफ्रेंड आणि एका मित्रासह त्याच्या हत्येचा कट रचल्याचं पोलिसांच्या तपासात दिसून आलं. मुरादाबाद येथील ही 21 वर्षीय आरोपी तरुणी फॉरेन्सिक सायंटिस्ट होती. त्यावेळी, तिचा पार्टनर गुप्तपणे तिचे आक्षेपार्ह व्हिडिओ बनवत असल्याचं तिला कळालं आणि तिने सांगितल्यानंतर देखील ते डिलीट करण्यास त्याने नकार दिल्याने तिला प्रचंड राग आला. रागाच्या भरात तिने तिच्या आधीच्या प्रियकराच्या मदतीने पीडित तरुणाची हत्या करण्याचा निर्णय घेतला.

आरोपी तरुणीने फॉरेन्सिक बाबी लक्षात घेऊनच हत्येची योजना आखली होती. गुन्ह्याचे पुरावे नष्ट करण्यासाठी आणि मृत्यू अपघाती असल्याचं भासवण्यासाठी तिने एक योजना आखली होती.