पुण्यात आल्यानंतर पहिल्या बॉयफ्रेंडला विसरली, एका प्रियकराने केला दुसऱ्याचा मर्डर

Pune Crime News : पुण्यातील हिंजवडी परिसरात प्रेमसंबंधातून धक्कादायक हत्या झाल्याची घटना समोर आली आहे. हिंजवडीतील एका सात मजली पीजीमध्ये सागर गायकवाड या तरुणाची लोखंडी रॉडने मारहाण करून हत्या करण्यात आली. या हल्ल्यात एका तरुणीवरही जीवघेणा हल्ला करण्यात आला असून ती गंभीर जखमी झाली आहे. या प्रकरणात दिनेश महादेव झांबरे याला पोलिसांनी अटक केली आहे. प्राथमिक माहितीनुसार, दिनेश आणि जखमी तरुणी यांचे शाळेपासून प्रेमसंबंध होते. दोघेही बीसीएच्या शिक्षणासाठी पुण्यात आले होते. मात्र, पुण्यात आल्यानंतर या तरुणीची सागर गायकवाडसोबत जवळीक वाढली. तरुणी सागरसोबत पीजीमध्ये राहण्यासाठी आली होती. त्यामुळे दिनेश आणि सागर यांच्यातील वादातून ही हत्या झाल्याचे प्राथमिक तपासात समोर आले आहे.