पुणे : घरात एकट्या असलेल्या मुलीवर शेतात नेऊन अत्याचार अन् मर्डर, 'त्या' चुकीने आरोपी सापडला
Pune Crime News : पुणे जिल्ह्यातील जुन्नर तालुक्यातील पिंपळवंडीत 10 वर्षीय अल्पवयीन मुलीवर अत्याचार करून हत्या केल्याची धक्कादायक घटना समोर आली आहे. सीसीटीव्ही फुटेजमधील व्यक्तीबाबत आरोपीने केलेली एक चूक पोलिसांच्या तपासात महत्त्वाचा धागा ठरली.
ADVERTISEMENT
बातम्या हायलाइट
पुणे : घरात एकटीच होती,
चौथीत शिकणाऱ्या मुलीवर शेतात अत्याचार करुन मर्डर
'त्या' चुकीने आरोपी सापडला
Pune Crime News, रायचंद शिंदे : पुणे जिल्ह्यातील जुन्नर तालुक्यातील पिंपळवंडी गावात चौथीत शिकणाऱ्या अवघ्या 10 वर्षीय अल्पवयीन मुलीवर अत्याचार करून तिची हत्या केल्याची धक्कादायक घटना समोर आली आहे. 21 वर्षीय साहिल संपत खैरे याने मुलीला घरातून नेऊन शेजारच्या शेतात तिच्यावर लैंगिक अत्याचार केल्याचा आणि त्यानंतर तिची हत्या करून मृतदेह शेतात टाकल्याचा आरोप आहे. या घटनेनंतर पिंपळवंडी परिसरात संताप आणि खळबळ उडाली आहे. मंगळवारी, 18 ऑगस्ट रोजी मुलगी आजारी असल्याने शाळेत गेली नव्हती. तिचे आई-वडील मजुरीसाठी बाहेर गेले असताना ती घरी एकटी होती. याचदरम्यान ही घटना घडल्याचे सांगण्यात येत आहे.
हेही वाचा : ठाकरेंच्या केसमध्ये मोठा ट्वीस्ट? सुप्रीम कोर्ट स्वतःचाच निकाल बदलणार?
'ती' चूक आणि आरोपी सापडला
सायंकाळी मुलगी बेपत्ता असल्याचे लक्षात आल्यानंतर कुटुंबीय आणि ग्रामस्थांनी तिचा शोध सुरू केला. या शोधमोहीमेत आरोपी साहिल संपत खैरे हा देखील पोलिसांसोबत सहभागी झाला होता. दरम्यान, तपास सुरू असताना पोलिसांच्या हाती सीसीटीव्ही फुटेज लागले. या फुटेजमध्ये सायकलवरून जाणाऱ्या एका व्यक्तीचे दृश्य दिसत होते. आरोपीनेच हे दृश्य पोलिसांना दाखवत “हा मीच आहे”, असे सांगितल्याची माहिती आहे. आरोपीची हीच चूक पोलिसांच्या तपासातील महत्त्वाचा धागा ठरली. या माहितीमुळे पोलिसांचा त्याच्यावरील संशय अधिक बळावला आणि त्यानंतर पोलिसांनी त्याला अटक केली.
हेही वाचा : ग्राऊंड रिपोर्ट : 'भैय्या लोकं हट्टी आहेत, त्यांनी मराठी बोलावं नाहीतर निघून जावं'