सातारा : वॉशरुममध्ये अश्लील शब्द, पालकांना बोलवण्याची चर्चा अन् तरुणीची तिसऱ्या मजल्यावरुन उडी
Satara student suicide case : साताऱ्यात यशवंतराव चव्हाण सायन्स कॉलेजच्या गर्ल्स हॉस्टेलमध्ये 19 वर्षीय विद्यार्थिनीने तिसऱ्या मजल्यावरून उडी घेत आत्महत्या केली. घटनास्थळावर सापडलेल्या चिठ्ठीतून या आत्महत्येमागील कारणाचा उलगडा होणार का, याकडे पोलिसांच्या तपासाचे लक्ष आहे.
ADVERTISEMENT
बातम्या हायलाइट
सातारा : वॉशरुममध्ये अश्लील शब्द
पालकांना बोलवण्याची चर्चा अन् हॉस्टेलमध्ये भयंकर घडलं!
Satara student suicide case, इम्तियाज मुजावर : साताऱ्यात एका 19 वर्षीय विद्यार्थिनीने हॉस्टेलच्या तिसऱ्या मजल्यावरून उडी घेत आत्महत्या केल्याने यशवंतराव चव्हाण सायन्स कॉलेज परिसरात खळबळ उडाली आहे. कॉलेजच्या गर्ल्स हॉस्टेलमध्ये फूड अँड टेक्नॉलॉजीच्या द्वितीय वर्षात शिक्षण घेणाऱ्या सृष्टी भानुदास बिरामणे हिने हे टोकाचे पाऊल उचलले. या घटनेमुळे कॉलेज परिसरासह हॉस्टेलमधील विद्यार्थिनींमध्ये भीतीचे वातावरण निर्माण झाले आहे. सृष्टीने नेमक्या कोणत्या कारणातून आत्महत्येचा निर्णय घेतला, याचा स्पष्ट खुलासा अद्याप झालेला नाही.
हेही वाचा : इंदापूर : जमिनीसाठी पोटच्या पोरांनी आई बापाला मारलं, विभक्त राहणाऱ्या लेकरांकडून हल्ला! VIDEO
वॉशरुममध्ये आक्षेपार्ह शब्द लिहिल्याचा प्रकार अन् पालकांना बोलावण्याची चर्चा
प्राथमिक माहितीनुसार, हॉस्टेलच्या बाथरूममध्ये काही आक्षेपार्ह शब्द लिहिल्याचा प्रकार समोर आला होता. या प्रकरणाच्या पार्श्वभूमीवर संबंधित विद्यार्थिनींच्या पालकांना कॉलेज प्रशासनाकडून बोलावले जाऊ शकते, अशी चर्चा हॉस्टेलमध्ये सुरू होती. याच चर्चेमुळे सृष्टी मानसिकदृष्ट्या त्रस्त आणि भयभीत झाली होती, असे सांगितले जात आहे. मात्र, केवळ पालकांना बोलावले जाण्याच्या चर्चेमुळेच तिने हे पाऊल उचलले की त्यामागे आणखी काही कारण होते, हे अद्याप स्पष्ट झालेले नाही. त्यामुळे सृष्टीच्या आत्महत्येमागील नेमके कारण काय, याचा तपास महत्त्वाचा ठरणार आहे.
हेही वाचा : Maharashtra Weather : येरे येरे पावसा, काही जिल्ह्यांना पावसाचा यलो आणि ऑरेंज अलर्टचा अंदाज