सासरच्या मंडळींकडून मारहाण

या अत्याचारानंतर पीडितेने जेव्हा याला कडाडून विरोध केला, तेव्हा तिला सासरच्या मंडळींकडून कोणतीही मदत मिळाली नाही, उलट तिच्यावरच अन्याय करण्यात आला. पीडितेने सांगितले की, 24 जानेवारी रोजी घडलेल्या ताज्या घटनेनंतर जेव्हा तिने आरडाओरडा करण्याचा प्रयत्न केला, तेव्हा तिच्या सासूने, नणंदेने आणि दिराने तिला वाचवण्याऐवजी तिला बेदम मारहाण केली. लग्नानंतर सासरच्या घरातून सातत्याने छळ होत असल्याचा आरोपही तिने पोलिसांत केला आहे. या संपूर्ण प्रकारात तिच्या नवऱ्याने जाणूनबुजून दुर्लक्ष केले, असा आरोप तिने केला आहे.

हे ही वाचा : गर्लफ्रेंडच्या नादात वेडा झाला, पोटच्या जुळ्या मुलींसह आणखी एका लेकीसोबत क्रूर कृत्य

नवऱ्याचा वेगळाच दावा

दुसरीकडे, पोलिसांच्या चौकशी दरम्यान पीडितेच्या नवऱ्याने या आरोपांवर वेगळाच दावा केला आहे. त्याच्या म्हणण्यानुसार, त्याच्या पत्नीचे दुसऱ्या एका व्यक्तीसोबत विवाहबाह्य संबंध होते आणि याच कारणामुळे त्यांच्यामध्ये गेल्या काही काळापासून कौटुंबिक आणि वैवाहिक वाद सुरू होता. सध्या पोलिसांनी या प्रकरणातील दोन्ही बाजूंचे जबाब नोंदवून घेतले असून सखोल चौकशी सुरू केली आहे. दरम्यान, वाद विकोपाला गेल्यानंतर पीडिता आपल्या माहेरी परतली होती, जिथे तिच्या पतीने तिला फोनवरून 'तीन तलाक' दिल्याची माहिती समोर आली आहे. महिलेने हा प्रकार पूर्णपणे बेकायदेशीर आणि मानसिक छळ करणारा असल्याचे म्हटले आहे.

हे ही वाचा : विवाहित पुरुषाबरोबर लिव्ह-इन-रिलेशनशिप, शेवटी भयंकर घडलं!

सासरच्या मंडळींवर गुन्हा दाखल

पोलिसांनी दिलेल्या माहितीनुसार, या तक्रारीच्या आधारे पीडितेचा पती, सासरा, सासू, दीर आणि नणंद यांच्याविरुद्ध संबंधित कलमांखाली गुन्हा दाखल करण्यात आला आहे. यामध्ये भारतीय न्याय संहिता (BNS) आणि मुस्लिम महिला (विवाह हक्क संरक्षण) कायद्याच्या तरतुदींचा समावेश आहे. या प्रकरणात दोन्ही बाजूंनी आरोप-प्रत्यारोप झाले असल्याने पोलीस सर्व अंगांनी तपास करत असून अद्याप कोणालाही अटक करण्यात आलेली नाही. दरम्यान, भारतात 2019 मध्ये 'तीन तलाक' बेकायदेशीर घोषित करण्यात आला असून, तत्काळ तीन तलाक दिल्यास तीन वर्षांपर्यंतच्या कारावासाची आणि दंडाची तरतूद कायद्यात आहे.