‘मेन बात ये है कि गुड्डू मुस्लिम…’ अतिकचे शेवटचे शब्द अन् थेट डोक्यात गोळी…
Atiq Ahmed and Ashraf Ahmed Murder: उमेश पाल हत्याकांडातील आरोपी माफिया अतिक अहमद आणि त्याच्या भावाची प्रयागराजमध्ये हत्या करण्यात आली आहे. मेडिकल कॉलेजजवळ तीन हल्लेखोरांनी दोघांची हत्या केली. धार्मिक घोषणा देत हल्लेखोरांनी गोळीबार केला. पोलिसांनी तिघांनाही अटक केली आहे.
ADVERTISEMENT
प्रयागराज: उमेश पाल (Umesh Pal) खून प्रकरणातील आरोपी माफिया अतिक अहमद (atiq ahmed) आणि त्याचा भाऊ अशरफ यांची गोळ्या घालून हत्या करण्यात आली आहे. प्रयागराज येथील मेडिकल कॉलेजजवळ तीन हल्लेखोरांनी दोघांची हत्या केली. हल्ला करणाऱ्या तिघांनी जय श्री रामचा नारा देत गोळीबार केल्याचे सांगण्यात येत आहे. आता घटनास्थळी मोठ्या प्रमाणात पोलीस बंदोबस्त तैनात करण्यात आला आहे. तसेच संपूर्ण प्रयागराजचं जणू काही छावणीत रुपांतर झाले आहे. (what were atiq ahmeds last words before losing his life atiq and his brother ashraf ahmed shot dead)
पोलिसांच्या गराड्यात घुसून हल्लेखोरांचा गोळीबार
दोन्ही आरोपींची वैद्यकीय तपासणी करण्यासाठी पोलीस वैद्यकीय महाविद्यालयात पोहोचले होते. दरम्यान, पोलीस बंदोबस्तात घुसून हल्लेखोरांनी अनेक राऊंड गोळीबार केला. अंदाधुंद गोळीबारामुळे पोलिसांमध्येही एकच गोंधळ उडाला. अनेक गोळ्या लागल्याने अतिक आणि अशरफ हे जागीच मृत्यूमुखी पडले.
अधिक वाचा- मोठी बातमी: पोलिसांच्या ताब्यात असणाऱ्या अतिक-अशरफची गोळ्या झाडून हत्या, घटना कॅमेऱ्यात कैद
अतिकचे शेवटचे शब्द…
अतिकचा भाऊ अश्रफ मीडियाच्या प्रश्नांना उत्तरे देण्यासाठी पुढे आला तेव्हा हा हल्ला झाला. तेव्हा अतिकचे शेवटचे शब्द हे होते की, ‘मुख्य गोष्ट ही आहे की, गुड्डू मुस्लिम…’, हे एवढेच शब्द अतिक बोलला आणि त्यानंतर हल्लेखोरांपैकी एकाने अतिकच्या डोक्यात पिस्तुलाने गोळी झाडली. एवढेच नाही तर त्याच्या अन्य दोन साथीदारांनी दोघांनाही लक्ष्य करून अनेक राऊंड फायर केले.
अधिक वाचा- ‘माझं कुटुंब उद्ध्वस्त झालं’, कुख्यात माफिया अतिक अहमद असं का म्हणाला?
यानंतर आरोपींनी आपल्या हातातील बंदुका टाकून थेट पोलिसांसमोर हात उंचावून आत्मसमर्पणही केले. पोलिसांनी हल्लेखोरांना पकडले आहे. लवलेश तिवारी, सनी आणि अरुण मौर्य अशी त्यांची नावे आहेत. पोलिसांनी घटनास्थळावरून पिस्तूल जप्त केले आहे.
हे वाचलं का?
