Shraddha Walker: श्रद्धाच्या हत्येच्या रात्री नेमकं काय घडलं होतं?

Day of murder : त्या दिवशी श्रद्धा आणि आफताबमध्ये असे काय घडले की त्याने श्राद्धाची हत्या केली. त्याने केवळ खूनच केला नाही तर निर्दयीपणे तिच्या मृतदेहाचे तुकडे केले.
श्रद्धा वालकरच्या हत्येच्या दिवशी काय घडलं होतं?
श्रद्धा वालकरच्या हत्येच्या दिवशी काय घडलं होतं?File Photo

Shraddha Walker Murder Case: दिल्ली: पोलिसांनी श्रद्धा वालकर (shraddha walker) मर्डर केसच्या तपासात रात्रंदिवस एक केले. त्यानंतर निर्धारित वेळेत म्हणजेच 75 दिवसांत 6 हजार पानांचे आरोपपत्र न्यायालयात (session court) दाखल करण्यात आले. यादरम्यान ही गोष्टही समोर आली की, घटनेच्या दिवशी म्हणजे 18 मे रोजी काय घडले? त्या दिवशी श्रद्धा आणि आफताबमध्ये असे काय घडले की त्याने आपल्या श्राद्धाची हत्या केली. त्याने केवळ खूनच केला नाही तर निर्दयीपणे तिच्या मृतदेहाचे तुकडे केले. चला जाणून घेऊया त्या दिवसाची कहाणी. (What really happened on the day of Shraddha's murder?)

18 मे 2022 चे सत्य जाणून घेण्यापूर्वी, घटनेच्या एक दिवस आधी काय घडले ते जाणून घेऊया. श्रद्धा आणि आफताबची भेट बंबल या सोशल आणि डेटिंग अॅपद्वारे झाली होती. यानंतर दोघेही एकमेकांच्या जवळ आले आणि त्यानंतर दोघे एकत्र राहू लागले. काही काळाने दोघेही मुंबई सोडून दिल्लीत आले. आफताबची नोकरीही दिल्लीत सुरू होती.

17 मे 2022

दिल्लीत आल्यानंतरही ते अॅप श्रद्धाच्या मोबाइलमध्ये होते. ती अजूनही वापरत होती. दरम्यान, त्या अप्लिकेशनद्वारे तिची हरियाणातील गुरुग्राम येथे राहणाऱ्या एका व्यक्तीशी ओळख झाली. ही एकमेव व्यक्ती होती, ज्याला भेटण्यासाठी श्रद्धा 17 मे 2022 रोजी गुरुग्रामला गेली होती. त्या दिवशी सकाळीच ती घरातून निघून गेली होती. मिळालेल्या माहितीनुसार, श्रद्धा त्या नवीन मित्राला भेटण्यासाठी पहिल्यांदा गुरुग्रामला गेली होती.

18 मे 2022

गुरुग्रामला गेल्यानंतर त्या संध्याकाळी श्रद्धा घरी परतली नाही. श्रद्धा कुठे गेली, अशी आफताबला काळजी वाटत होती. मोबाईलवरही ती उत्तर देत नव्हती. त्यामुळे आफताब रात्रभर अस्वस्थ होता. पण दुसऱ्या दिवशी म्हणजेच 18 मे 2022 रोजी सकाळी 11 वाजता श्रद्धा छतरपूरच्या फ्लॅटवर परतली.पोलिसांना 18 मेचे सीसीटीव्ही फुटेजही मिळाले आहे, ज्यामध्ये श्रद्धा फ्लॅटमध्ये शिरताना दिसत आहे. फ्लॅटच्या आत शिरताच आफताब समोर आला. तो आधीच रागावला होता. श्रद्धाला पाहताच आफताबला राग आला आणि त्याने रात्रभर कुठे होतीस आणि तू रात्री परत का आली नाहीस? असा प्रश्न विचारला.

श्रद्धा वालकरच्या हत्येच्या दिवशी काय घडलं होतं?
Shraddha Murder: एक होती श्रद्धा वालकर! प्रेमाच्या ३५ तुकड्यांची आक्रंदणारी कहाणी

श्रद्धाचा गळा आवळून खून करण्यात आला

श्रद्धाने प्रत्युत्तर दिले. तुला काय करायचं? मला वाटेल ते मी करेन. श्रद्धाचे उत्तर ऐकून आफताब संतापला आणि त्याने श्रद्धाला मारहाण केली. मात्र, काही वेळाने दोघेही नॉर्मल झाले. यानंतर दोघांनी ऑनलाइन जेवण ऑर्डर केले. संध्याकाळ झाली होती, पण रात्री जेवण्यापूर्वी आफताब पुन्हा एकदा श्रद्धावर रात्री न परतल्याने संतापला. दोघांची भांडणे सुरू झाली. त्यानंतर आफताबने श्रद्धाला खाली पाडून तिच्या छातीवर बसला आणि तिचा गळा दाबून खून केला.

मृतदेह हिमाचलमध्ये लपवायचा होता

सूत्रांकडून मिळालेल्या माहितीनुसार, 18 मे रोजी श्रद्धाची हत्या केल्यानंतर आफताब विचार करू लागला की, श्रद्धाच्या मृतदेहाची विल्हेवाट कशी आणि कुठे करायची? यानंतर मृतदेह एका पिशवीत ठेवून हिमाचल प्रदेशात नेण्याची योजना त्याने आखली होती. त्याने विचार केला की आपण श्रद्धाचा मृतदेह एका पिशवीत टाकून हिमाचलला नेऊन मृतदेह तिथे ठेवू.

श्रद्धा वालकरच्या हत्येच्या दिवशी काय घडलं होतं?
Shraddha Walker Murder : श्रद्धा आणि आफताब यांच्यात 'तो' तिसरा कोण?

पोलिसांच्या तपासणीचा विचार करून प्लॅन रद्द करण्यात आला

यानंतर आफताबने 1200 रुपये किमतीची काळ्या रंगाची मोठी बॅग खरेदी करून आणली. कॅब बुक करण्यासाठी आफताबने काही ट्रॅव्हल एजंटना फोनही केले. पण त्याचवेळी आफताबने विचार केला की, तो मृतदेह पिशवीत घेऊन गेला तरी दिल्लीहून हिमाचलला जाताना ठिकठिकाणी तपासणी होईल. असा विचार करून आफताबने हा प्लॅन रद्द केला.

बद्रीच्या छतावरून जंगल दिसत होतं, तिथून कल्पना आली - आफताब

आफताबच्या त्याच फ्लॅटमध्ये जिथे एका बाजूला श्रद्धाचा मृतदेह पडला होता, तिथे बसून तो मृतदेह कुठे टाकायचं याचा विचार करत होता. तेवढ्यात विचार आला की तो मित्र बद्रीच्या छतावर बसून सिगारेट ओढायचा आणि तिथून जंगल दिसत होतं. त्याचवेळी आफताबने ठरवले की तो मृतदेहाचे तुकडे करून जंगलात फेकून देईल.

नखे जाळून टाकले

यानंतर त्याने धारदार शस्त्रांची व्यवस्था केली. त्यानंतर आफताबने त्याच रात्री फ्लॅटच्या बाथरूममध्ये मृतदेहाचे तुकडे केले. त्याने मृतदेहाचे अगदी लहान तुकडे केले होते, जेणेकरून ते कोणाला सापडले तर ते तुकडे माणसाचे आहेत हे ओळखणे सोपे जाणार नाही. एवढेच नाही तर हाताची बोटे आणि नखे अलगद जाळली होती. खुद्द आफताबने पोलिसांसमोर ही सर्व कबुली दिली आहे.

मेल्यानंतरही श्रद्धाला जिवंत ठेवलं

एकीकडे श्रद्धाची हत्या केल्यानंतर आफताब तिच्या मृतदेहाचे तुकडे फेकत राहिला आणि दुसरीकडे त्याने श्रद्धाचा मोबाईल फोन वापरून श्रद्धाला लोकांमध्ये जिवंत ठेवले. तपासात श्रद्धाच्या हत्येनंतर आफताब श्रद्धाचा मोबाईल वापरत असल्याचे निष्पन्न झाले. श्रद्धाच्या मोबाईलवर कॉल आला तर आफताब तो कॉल रिसिव्ह करून सोडून द्यायचा. आफताबने विचार केला की, येत्या काही दिवसांत खून प्रकरणाचा उलगडा झाला आणि तपास पथकाने श्रद्धाचा मोबाईल शोधला तर श्रद्धा जिवंत आहे हे सर्वांना समजेल.

श्रद्धाच्या मोबाईलवरून चॅट्स आणि कॉल्स

इतकंच नाही तर आफताब श्रद्धाच्या मोबाईलवरून श्रद्धाच्या मित्रांना फोन करायचा आणि कुणी फोन आल्यावर तो मोबाईल बाजूला ठेवायचा. दिल्ली पोलिसांनी आरोपपत्रात मुंबईच्या प्रकरणाचाही उल्लेख केला आहे. आफताबने श्रद्धाला कशी बेदम मारहाण केली आणि एकदा तिला जीवे मारण्याची धमकीही दिली होती हे पोलिसांनी सांगितले आहे.

Related Stories

No stories found.
logo
Mumbai Tak
www.mumbaitak.in