शिंदेंच्या शिवसेनेने BJP कडून मिळवल्या 15 जागा, पण गमावल्या 'या' हक्काच्या 8 जागा
Lok Sabha Election 2024: जागावाटपामध्ये शिंदेंच्या शिवसेनेला 8 जागा गमवाव्या लागल्या आहेत. 8 जागांवर भाजप आणि राष्ट्रवादी काँग्रेसने आपले उमेदवार दिले आहेत.
ADVERTISEMENT
Shinde Shiv Sena: मुंबई: लोकसभा निवडणूक 2024 साठी महायुती आणि महाविकास आघाडीमधील कोणते पक्ष किती जागा लढवणार हे आता पूर्णपणे स्पष्ट झालं आहे. महाराष्ट्रातील पाचव्या आणि शेवटच्या टप्प्यातील मतदानासाठी आज (3 मे) अर्ज भरण्याची शेवटची तारीख आहे. त्यामुळे अगदी कालपर्यंत उमेदवार जाहीर करण्याची प्रक्रिया सुरू होती. दरम्यान, सत्तेत असलेल्या महायुतीत नेमक्या कोणाला किती जागा मिळतात याकडे सगळ्याचं लक्ष होतं. ज्यामध्ये शिंदेंच्या शिवसेनेला जवळजवळ 8 जागा कमी मिळाल्याचं दिसतं आहे. (lok sabha election 2024 shinde shiv sena get 15 seat in seat sharing from the bjp but had to give up 8 seats to its allies)
2019 लोकसभा निवडणुकीत उद्धव ठाकरेंच्या नेतृत्वातील शिवसेना आणि भाजपची युती होती. त्यामुळे महाराष्ट्रात भाजपने 25 आणि शिवसेनेने 23 जागांवर निवडणूक लढवली होती. पण आता भाजपसोबत असलेल्या शिंदेंच्या शिवसेनेला महायुतीत 8 जागा कमी मिळाल्या आहेत.
हे ही वाचा>> माझ्यावर बाळासाहेबांचं कर्ज, ते मी कधीही..: PM मोदी
एकनाथ शिंदेंनी बंड केल्यानंतर त्यांच्यासोबत 13 खासदार आले होते. त्यामुळे त्या सर्व जागा मिळाव्यात असा शिंदे गटाचा आग्रह होता. त्यामुळे भाजपने 15 जागा या शिवसेनेला देऊ केल्या. पण त्यापैकी काही विद्यमान खासदारांची तिकीटं मात्र, कापण्यात आली. मात्र, 2019 चा विचार केल्यास यावेळेस शिंदेंच्या शिवसेनेला 8 जागा कमी मिळाल्या आहेत.
2019 लोकसभा निवडणुकीत शिवसेनेने लढवलेले कोणते मतदारसंघ गेले मित्रपक्षांकडे?
2019 लोकसभा निवडणुकीत शिवसेनेने उस्मानाबाद, अमरावती, रत्नागिरी-सिंधुदुर्ग, शिरूर, पालघर, रायगड, परभणी, सातारा या लोकसभा मतदारसंघात उमेदवार दिले होते. मात्र, हे आठही मतदारसंघ आता भाजप किंवा राष्ट्रवादी काँग्रेसकडे गेले आहेत.
हे वाचलं का?
