Lok Sabha Election: साताऱ्यात पावसाचा धुमाकूळ... निवडणूक, सातारा अन् पाऊस; नेमका इतिहास काय?
Satara Rain: साताऱ्यात आज (17 एप्रिल) मुसळधार पावसाने हजेरी लावली. निवडणुकीचं बिगुल वाजलेलं असताना साताऱ्यात पावसाने जी हजेरी लावली त्याने मात्र, एक वेगळीच चर्चा साताऱ्यात रंगली आहे.
ADVERTISEMENT
Satara Rain and Lok Sabha Election: सातारा: मागील आठ दिवस रणरणत्या उन्हाने सातारकरांना अक्षरश: होरपळून काढलेलं असताना आज मात्र, अचानक मुसळधार पावसाने हजेरी लावली. सायंकाळी चारनंतर सातारा शहर ग्रामीण भागात विशेषतः जावळी तालुका, वाई तालुका, सातारा तालुका परिसरावर काळया ढगांची दाटी होऊन अवकाळी पावसाने दमदार बॅटिंग केली. पण याच पावसाने एक वेगळीच चर्चा साताऱ्यात रंगली आहे. (lok sabha election rain and satara satarakar remembered sharad pawar meeting in the rain udayanraje bhosale bjp)
साताऱ्याच्या पावसातील 'ती' सभा!
पाऊस आणि निवडणूक असं म्हटलं की, प्रत्येकालाच साताऱ्यातील शरद पवारांची ऐतिहासिक सभा आठवते. 2019 च्या विधानसभेसोबतच सातारा लोकसभा पोटनिवडणुकीची घोषणा करण्यात आली होती. 2019 लोकसभा निवडणुकीत उदयनराजे भोसले हे राष्ट्रवादी काँग्रेसच्या तिकीटावर साताऱ्यातून निवडून आले होते. मात्र, चारच महिन्यात त्यांनी आपल्या खासदारकीचा राजीनामा देत भाजपमध्ये प्रवेश केला होता.
त्यामुळे येथे पोटनिवडणूक लावण्यात आली होती. विधानसभेसोबतच पोटनिवडणूक लावण्यात यावी असा आग्रह उदयनराजेंनी भाजप नेत्यांकडे धरला होता. त्यानंतर महाराष्ट्रातील विधानसभेसोबतच ही पोटनिवडणूक जाहीर झाली होती.
सुरुवातीला या पोटनिवडणुकीत नेमकं कोणाला तिकीट द्यावं यावरून राष्ट्रवादी काँग्रेसमध्ये बराच खल झाला होता. तर दुसरीकडे उदयनराजे पुन्हा बहुमताने निवडून येतील असा विश्वास त्यांचे कार्यकर्ते व्यक करत होते.
हे वाचलं का?
