Rahul Gandhi : निर्णय झाला, काँग्रेसची मोठी घोषणा! राहुल गांधी 'या' मतदारसंघातून लढणार
Rahul Gandhi Raebareli lok Sabha : सोनिया गांधींनी लोकसभा निवडणूक न लढवण्याचा निर्णय घेतल्यानंतर रायबरेली लोकसभा मतदरासंघातून काँग्रेस कुणाला उमेदवारी देणार याची उत्सुकता होती.
ADVERTISEMENT
बातम्या हायलाइट
राहुल गांधी दोन मतदारसंघातून निवडणूक लढवणार
वायनाड लोकसभा मतदारसंघाबरोबर रायबरेली रिंगणात
काग्रेसकडून अमेठीच्या उमेदवारांच्या नावाचीही घोषणा
Rahul Gandhi Raebareli : रायबरेली आणि अमेठी या दोन लोकसभा मतदारसंघातून काँग्रेस कुणाला उमेदवारी देणार, हा प्रश्न निकाली निघाला. काँग्रेसने शुक्रवारी सकाळी दोन उमेदवारांच्या नावांची घोषणा केली. यात एक नाव राहुल गांधी यांचे असून, ते रायबरेली लोकसभा मतदारसंघातून लढणार आहेत. अमेठी लोकसभा मतदारसंघातू के.एल. शर्मा यांना अमेठीतून उमेदवारी देण्यात आली आहे. महत्त्वाची गोष्ट म्हणजे प्रियांका गांधी निवडणूक लढवणार नाही, हे स्पष्ट झालं आहे. (Rahul Gandhi is Contesting From Raebareli)
लोकसभा निवडणुकीसाठी उमेदवारी अर्ज भरण्याच्या शेवटच्या दिवशी काँग्रेसने आपले पत्ते उघड केले आहेत. पक्षाने रायबरेलीतून राहुल गांधी आणि अमेठीतून किशोरीलाल शर्मा यांना उमेदवारी जाहीर केली आहे.
सोनिया गांधी यांची लोकसभा निवडणुकीतून माघार
राहुल गांधी अमेठीतून निवडणूक लढवत होते, पण यावेळी मतदारसंघात बदल करण्यात आला आहे. रायबरेली लोकसभा मतदारसंघातून सोनिया गांधी या निवडणूक लढवायच्या, पण त्यांनी निवडणूक न लढवण्याचा निर्णय घेतला आहे. त्या राजस्थानमधून राज्यसभेमध्ये निवडून गेल्या आहेत. त्यामुळे काँग्रेसच्या पारंपरिक लोकसभा मतदारसंघातून काँग्रेसने राहुल गांधी यांना उमेदवारी दिली आहे.
हे वाचलं का?
