Sharad Pawar : 'मुर्खपणाचे स्टेटमेंट', मोदींच्या 'त्या' विधानावर पवार भडकले
Pm Modi's statement on hindu muslim : पंतप्रधान नरेंद्र मोदी यांनी अर्थसंकल्पाबद्दल केलेल्या विधानावर शरद पवार यांनी संताप व्यक्त केला आहे. असे विधान करणे मुर्खपणाचे आहे, असे पवार यांनी म्हटले आहे.
ADVERTISEMENT
बातम्या हायलाइट
नरेंद्र मोदींच्या विधानावर शरद पवार संतापले
अर्थसंकल्पात वेगळा वाटा करणार असल्याचे मोदींचे विधान
शरद पवारांनी मोदींना काय सुनावले?
Maharashtra Lok Sabha Election 2024 : पंतप्रधान नरेंद्र मोदी यांनी नाशिकमधील प्रचारसभेत केलेल्या विधानावर शरद पवार यांनी संताप व्यक्त केला. हे मुर्खपणाचे विधान आहे, असे म्हणत पवारांनी मोदींना सुनावले आहे. त्याबरोबर त्यांचा आत्मविश्वास डळमळीत झाला असून, लक्ष विचलित करण्यासाठी धर्म, जातीचे मुद्दे काढले जात आहेत, असेही ते म्हणाले. ते नाशिक येथे पत्रकार परिषदेत बोलत होते. (Sharad Pawar has expressed his anger on Modi's statement about muslims)
नाशिक येथे झालेल्या प्रचारसभेत मोदी म्हणालेले की, "देशाच्या अर्थसंकल्पातील १५ टक्के वाटा फक्त अल्पसंख्याकांवर खर्च करण्याचा काँग्रेसचा विचार आहे. तुमच्या संपत्तीपाठोपाठ धर्माच्या आधारावर अर्थसंकल्पाचाही १५ टक्के वाटा अल्पसंख्यांकांना देण्याचा घाट काँग्रेसने घातला आहे."
मोदींच्या याच विधानाबद्दल शरद पवारांना विचारण्यात आले, तेव्हा त्यांनी संताप व्यक्त केला.
पंतप्रधान मोदींच्या विधानावर पवार काय बोलले?
या विधानावर बोलताना शरद पवार म्हणाले की, "हे बोलणं योग्य नाही, पण मुर्खपणाचे स्टेटमेंट आहे. बजेट (अर्थसंकल्प) हे कुठल्या जातीचे, धर्माचे असत नाही. संसदेत जे बजेट मांडलं जातं, ते देशाचे बजेट असते. असं असताना ते जे सांगताहेत की, मुस्लिमांचं वेगळं, मुस्लिमांचं वेगळं... हे कधीही होत नाही. होऊ शकत नाही."
हे वाचलं का?
