Gajanan Kirtikar : "कीर्तिकरांचा निर्णय तीन दिवसांत होणार", शिंदेंचा नेता काय बोलला?
Gajanan Kirtikar Sanjay Raut : गजानन कीर्तिकर यांची हकालपट्टी करण्याची मागणी करण्यात आली असून, शिस्तभंग समितीकडे हे प्रकरण गेले आहे.
ADVERTISEMENT
बातम्या हायलाइट
गजानन कीर्तिकरांवर कारवाई होणार?
शिंदेंच्या शिवसेनेमध्ये काय झालं?
संजय शिरसाट यांनी काय दिली माहिती?
Shiv Sena Gajanan Kirtikar : एकनाथ शिंदेंच्या शिवसेनेचे नेते गजानन कीर्तिकर यांनी केलेल्या विधानामुळे पक्षातूनच नाराजीचे सूर उमटले आहेत. कीर्तिकरांची हकालपट्टी करण्याची मागणी झाली असून, त्या संदर्भात दोन-तीन दिवसात निर्णय होईल, अशी महत्त्वाची माहिती प्रवक्ते संजय शिरसाट यांनी दिली आहे. (will Gajanan kirtikar expelled from Shiv Sena, Sanjay Shirsat Replied)
गजानन कीर्तिकर यांनी केल्या विधानामुळे मित्रपक्ष भाजपचे नेते नाराज झाले आहेत. दुसरीकडे पक्षाचा उमेदवाराविरोधात रिंगणात असलेल्या ठाकरेंच्या उमेदवाराबद्दल कीर्तिकरांबद्दल सहानुभूती व्यक्त करणारे विधान केले होते. या सगळ्या प्रकरणावर संजय शिरसाट काय म्हणाले ते पहा...
"कीर्तिकरांनी ती भूमिका घेतली, याबद्दल सर्वांना संशय आहे. बोलून जरी दाखवत नसले, तरी कीर्तिकरांनी अशी भूमिका घेऊ नये, या मताचे आम्ही सर्वजण होतो आणि आजही आहोत. आपल्या मुलाच्या उमदेवारीबद्दल त्यांनी भाष्य करायलाच नको होते", अशी भूमिका संजय शिरसाट यांनी मांडली आहे.
कीर्तिकरांच्या घरात भांडणं लावण्याचा ठाकरे गटाचा डाव होता
"उबाठा गटाने केलेला तो गेम, तो त्यांच्या अंगलट आलेला आहे. त्यांच्याच घरातून उमेदवारी देऊन घरामध्ये भांडणं कशी लागतील किंवा त्यांना मजबुरीने यांचं काम कसं करावं लागेल, असा तो डाव होता", आरोप संजय शिरसाट यांनी केला आहे.
हे वाचलं का?
