Lok Sabha election 2024 : "असले प्रकार मला चालणार नाही", जयंत पाटलांनी दिला दम

हातकणंगले लोकसभा मतदारसंघातील शिवसेनेचे (उद्धव बाळासाहेब ठाकरे) उमेदवार सत्यजित पाटील यांच्या प्रचारार्थ इस्लामपूर येथे महाविकास आघाडीचा कार्यकर्ता मेळावा झाला. या मेळाव्यात बोलताना जयंत पाटील यांनी कार्यकर्त्यांना निवडणुकीच्या काळात विरोधकांपासून दूर राहण्यास सांगितले. 

जयंत पाटील मेळाव्यात काय बोलले?

जयंत पाटील म्हणाले, "सत्यजित पाटील सरुडकर हे नवा उमेदवार मशाल चिन्हावर शिवसेना उद्धव बाळासाहेब ठाकरे यांच्या पक्षाच्या वतीने महाविकास आघाडीचा उमेदवार म्हणून आपल्यासमोर आलेला आहे. आपण सर्वांनी घासून पुसून काम करायचं आहे."

प्रदेशाध्यक्ष जयंत पाटील पुढे म्हणाले, "तुमच्या घरी कोण येऊन चहा घेऊन गेलं. असले प्रकार मला चालणार नाही. ते आले. घरात बसले, आम्ही काय करू? तसला धंदा जरा बंद करा. अचानक आले."