‘अरबाजसोबतच्या घटस्फोटानंतर आयुष्य किती बदललं?’ मलायका स्पष्टच बोलली

ADVERTISEMENT

Mumbaitak
social share
google news

India Today Conclave 2023 : इंडिया टुडे कॉन्क्लेव्ह 2023 चा शेवटचा दिवस नेत्रदीपक होता. बॉलिवूड दिवा मलायका अरोरा (Malaika Arora) शनिवारी झालेल्या कार्यक्रमात सहभागी झाली होती. मलायकाने या कार्यक्रमात तिच्या आयुष्याबद्दल आणि करिअरबद्दल मोकळेपणाने सांगितले. अरबाज खानपासून (Arbaz Khan) घटस्फोट घेतल्यानंतर तिच्या आयुष्यात काय बदल घडले हे अभिनेत्रीने सांगितले. याशिवाय ती अर्जुन कपूरसोबत कधी लग्न करणार आहे, हे देखील सांगितले. (How much has life changed after the divorce with Arbaaz? Malaika spoke clearly)

मलायकाचे आयुष्यच बदलून गेले!

अरबाज खानपासून घटस्फोट घेतल्यानंतर मलायका अरोरा अर्जुन कपूरसोबत रिलेशनशिपमध्ये आहे. इव्हेंटमध्ये मलायकाला विचारण्यात आले की, अरबाजपासून वेगळे झाल्यानंतर तिच्या आयुष्यात काय बदल झाला आहे. अभिनेत्रीने सांगितले की, घटस्फोटानंतर तिला अनेक फायदे झाले. याशिवाय खान आडनाव काढून टाकल्यामुळे आपले कोणतेही नुकसान झाले नसल्याचे तिने सांगितले.

अरबाज खानचे गर्लफ्रेंडसोबत ब्रेकअप! जॉर्जिया एंड्रियानीनं रिलेशनशिपबद्दल केलं स्पष्ट

हे वाचलं का?

ADVERTISEMENT

मलायका म्हणते की, अरबाजसोबतच्या लग्नाने तिच्यासाठी इंडस्ट्रीत अनेक दरवाजे उघडले, पण तरीही तिला तिची प्रतिभा सिद्ध करायची होती. आपल्या नावाला खान आडनाव जोडलेले असूनही, तिने कठोर परिश्रम केले आणि स्वतःसाठी एक मार्ग बनवला. खान कुटुंबियांसोबत तिचे नाते अजूनही चांगले असल्याचे अभिनेत्रीने सांगितले. मलायका त्यांचा आदर करते आणि त्या बदल्यात तेदेखील प्रेम देतात, असं ती बोलली. अरबाजपासून घटस्फोटाबाबत मलायका म्हणते की ती आधीही काम करत होती आणि अजूनही काम सुरू आहे. अभिनेत्री म्हणाली की लोक अजूनही तिच्यावर प्रेम करतात, ज्यासाठी ती त्यांची आभारी आहे.

मलायका अरोराचा जिम लुक; फिट कर्वी फिगरचे फोटो व्हायरल

ADVERTISEMENT

अर्जुनशी लग्न कधी करणार?

या कार्यक्रमात मलायकाने अर्जुन कपूरसोबतच्या तिच्या नात्याबद्दलही सांगितले. मलायका म्हणते, अर्जुनने तिच्या आयुष्यात प्रेमाचे रंग भरले आहेत. त्याने तिच्या आयुष्यात आनंद आणला आहे. मलायका म्हणते की, आमच्यामध्ये वयाचे अंतर आहे, पण आम्हाला एकमेकांसोबत राहणे आवडते. जर तुम्ही एखाद्यासोबत रिलेशनशिपमध्ये असाल आणि आनंदी नसाल तर अशा रिलेशनशिपचा काही फायदा नाही.

ADVERTISEMENT

मलाइकाला विचारण्यात आले की, तिचे आणि अर्जुन कपूरचे लग्न कधी होणार आहे. यावर अभिनेत्री म्हणते की, सध्या आम्ही आमच्या नात्याचा आनंद घेत आहोत. लग्न कधी, कुठे आणि कसे होईल यावर मी काही सांगू शकत नाही. मलायका म्हणते, आम्ही सध्या आयुष्यावर प्रेम करत आहोत. आम्ही आमच्या प्री-हनिमूनच्या काळात आहोत. जेव्हा वेळ येईल तेव्हा सर्वकाही स्वतःच होईल.

‘हा’ फोटो बघून चाहते अर्जून-मलायका म्हणाले, ब्रेकअप झालंय का?

    follow whatsapp

    ADVERTISEMENT