Sameer Wankhede: 'तू देशासाठी किती जीव तोडून काम करतोस हे फक्त मलाच माहितीय', क्रांतीने शेअर केली खास पोस्ट

Kranti Redkar Share Post for Sameer Wankhede: समीर वानखेडे देशासाठी कशाप्रकारे कसं काम करतो हे फक्त मलाच माहित आहे. असं म्हणत क्रांती रेडकरने एक खास पोस्ट सोशल मीडियावर शेअर केली आहे.
Sameer Wankhede: 'तू देशासाठी किती जीव तोडून काम करतोस हे फक्त मलाच माहितीय', क्रांतीने शेअर केली खास पोस्ट
only i know how much you want to do for our nation sameer wankhede wife kranti redkar share special post(फोटो सौजन्य: Kranti Redkar/instagram)

मुंबई: मुंबई क्रूझ ड्रग्स (Mumbai Cruise Drugs) प्रकरणी बॉलिवूड अभिनेता शाहरुख खान (Shah Rukh Khan) याचा मुलगा आर्यन खान (Aryan Khan) याच्या अटकेनंतर नार्कोटिक्स कंट्रोल ब्युरो (NCB) मुंबईचे झोनल डायरेक्टर समीर वानखेडे (Sameer Wankhede) हे प्रचंड चर्चेत आले. आर्यन खानची अटक, ड्रग्स प्रकरण यामुळे सुरुवातीला समीर वानखेडे कर्तव्यदक्ष अधिकारी असल्याचं म्हटलं जाऊ लागलं. मात्र, याप्रकरणी राज्याचे अल्पसंख्यांक मंत्री नवाब मलिक (Nawab Malik) यांनी दररोज पत्रकार परिषदांमधून समीर वानखेडेंवर अत्यंत गंभीर आरोप करणं सुरु केलं.

अखेर आता एनसीबीने आर्यन खान तपास प्रकरण हे समीर वानखेडेंकडून काढून घेतलं आहे. दरम्यान या सगळ्यात आता समीर वानखेडेंच्या पत्नी क्रांती रेडकर (Kranti Redkar) हिने आता एक खास फोटो शेअर केला ज्यासह तिने खास पोस्टही शेअर केली आहे.

समीर वानखेडे यांनी आर्यन खानवर केलेली कारवाई खोटी आहे, समीर वानखेडे मूळचे मुस्लिम असून नंतर त्यांनी धर्म परिवर्तन करुन IRS ची नोकरी मिळवली. असे एक ना अनेक आरोप त्यांच्याविरोधात होत असताना आता क्रांती रेडकर यांनी दिवाळी पाडव्याच्या मुहुर्तावर पती समीर वानखेडे यांना औक्षण करतानाचा एक फोटो सोशल मीडियावर शेअर केला आहे.

या फोटोसोबत शेअर केलेल्या पोस्टमध्ये क्रांतीने असं म्हटलं आहे की, 'तू देशासाठी किती जीव तोडून काम करतोस हे फक्त मलाच माहिती' असं म्हणत क्रांतीने आपल्या पतीची पुन्हा एकदा पाठराखण केली आहे. एकीकडे नवाब मलिक यांच्याकडून समीर वानखेडेंवर हल्लाबोल सुरु असताना दुसरीकडे क्रांती रेडकर सातत्याने समीर वानखेडेंची बाजू मांडत होती.

समीर वानखेडेंकडून आर्यन खान प्रकरणाचा तपास काढून घेतलेला असताना क्रांतीने पुन्हा एकदा एक फोटो शेअर करुन आपण पत्नी म्हणून त्यांच्या पाठीशी ठामपणे उभे आहोत हे दाखवून दिलं आहे.

(फोटो सौजन्य: Kranti Redkar/instagram)
only i know how much you want to do for our nation sameer wankhede wife kranti redkar share special post
'सावन के अंधे को हरियाली दिखती है' नवाब मलिकांच्या आरोपांना क्रांती रेडकरने दिलं उत्तर

पाहा क्रांती रेडकरने आपल्या पतीला दिवाळी पाडव्याच्या शुभेच्छा देताना नेमकं काय म्हटलंय..

'माझा प्रिय... माझ्या उर्जेचा आणि सकारात्मकतेचा स्त्रोत, तुझ्याकडून मला खूप काही शिकण्यासारखे आहे. तुझ्याकडे असणारी शांतता मला खूप काही शिकवते. तुझा दृढनिश्चय आणि ध्येयांप्रती तुझा प्रामाणिकपणा मला नेहमीच चकीत करतो. आपल्या देशाप्रती तुझा प्रामाणिकपणा वाखाणण्याजोगा आहे, तू देशासाठी किती जीव तोडून काम करतोस हे फक्त मलाच माहितीय.'

'तुझ्या आपल्या लोकांसाठी किती सुंदर योजना आहेत हे फक्त मला माहीत आहे. हे घडवून आणण्यासाठी सर्वशक्तिमान तुम्हाला आवश्यक असलेली ती सर्व शक्ती प्रदान करो. तुम्ही तुमच्या कामाच्या माध्यमातून प्रत्येक दिवस उजळत जावो आणि आम्हाला तुमचा दररोज अभिमान वाटत राहो.' अशी भावस्पर्शी पोस्ट क्रांतीने यावेळी शेअर केली आहे.

Related Stories

No stories found.
Mumbai Tak
www.mumbaitak.in