Adipurush Collection : निर्मात्यांवर टीकेचा भडीमार, पण आदिपुरुषने केली मोठी कमाई केली?
आदिपुरुषने पहिल्याच दिवशी बॉक्स ऑफिसवर चांगली कमाई केली. अनेक अंदाज चुकवत चित्रपटाने धमाकेदार कमाई केली.
ADVERTISEMENT
Adipurush Latest Update : मनोरंजन विश्वात एक वादाचा मुद्दा ठरला आहे आदिपुरुष! सध्या भारतात सर्वाधिक चर्चेत असलेला हा चित्रपट ठरला आहे. अभिनेता प्रभास, क्रिती सेनॉन आणि सैफ अली खान यांच्या प्रमुख भूमिका साकारलेला हा चित्रपट रामायणावर आधारित आहे. व्हीएफएक्स आणि अॅनिमेशनच्या मदतीने रामायण पडद्यावर आणण्याचा प्रयत्न करणाऱ्या या चित्रपट वादग्रस्त ठरला. निर्मात्यांपासून संवाद लेखकापर्यंत सगळेच टीकेचे धनी ठरले आहेत. असं असलं तरी आदिपुरुषने पहिल्याच दिवशी बॉक्स ऑफिसवर चांगली कमाई केली. अनेक अंदाज चुकवत चित्रपटाने धमाकेदार कमाई केली. (Adipurush Collection)
प्रभासचा आदिपुरुष हा भारतातच 100 कोटींची कमाई करणारा पहिला बॉलिवूड चित्रपट ठरला. आणि जगभरात एकूण 140 कोटींच्या कलेक्शनसह, त्याने शाहरुख खानच्या पठाणलाही मागे टाकले आहे. प्रभास आदिपुरुष असलेला पहिला भारतीय स्टार बनला आहे, ज्याच्या तीन चित्रपटांना पहिल्याच दिवशी जगभरात 100 कोटींहून अधिकची ओपनिंग मिळाली आहे. पण आदिपुरुषलाही अनेक वादांना सामोरे जावे लागत आहे.
चित्रपटातील संवादांवर लोकांकडून आक्षेप घेतला जात आहेत आणि रामायणाची मूळ कथा बदल करून दाखवणेही प्रेक्षकांच्या पचनी पडलेले नाही. या दोन्ही गोष्टींमुळे चित्रपटावर बरीच टीका होत आहे आणि त्यावर खूप नकारात्मक प्रतिक्रियाही उमटत आहेत. मात्र, या गोष्टींचा परिणाम आदिपुरुषच्या कमाईवर होताना दिसत नाही.
हे वाचलं का?
ADVERTISEMENT
दुसऱ्या दिवशीही बॉक्स ऑफिसवर जोरदार कलेक्शन
आदिपुरुषने पहिल्याच दिवशी हिंदीमध्ये 37.25 कोटी रुपये, तेलगूमध्ये 48 कोटी रुपये आणि भारतीय बॉक्स ऑफिसवर 86.75 कोटी रुपयांची ग्रँड ओपनिंग मिळवली. जगभरातील चित्रपटाचे कलेक्शन 140 कोटींवर पोहोचले आहे.
शनिवारचे बॉक्स ऑफिस आकडे समोर आले असून आदिपुरुषने दुसऱ्या दिवशी शुक्रवार इतकाही गल्ला जमवला नसल्याचे आकडेवारीवरून दिसून येत आहे. मात्र, बॉक्स ऑफिसवर चित्रपटाची पकड कायम आहे. रिपोर्टनुसार, चित्रपटाने शनिवारी भारतात 65 कोटी रुपयांची कमाई केली आहे. पहिल्या दिवशी 100 कोटींहून अधिक कमाई करणाऱ्या चित्रपटांनी पहिल्या दिवसाच्या तुलनेत दुसऱ्या दिवशी थोडी कमी कमाई केली, हे पहिल्यादाच घडलेलं नाही.
ADVERTISEMENT
हेही वाचा >> युवक काँग्रेसच्या कार्यक्रमात तुफान हाणामारी, खुर्च्यांनी एकमेकांना मारलं
हाच ट्रेंड पठाण, RRR, KGF 2 सारख्या चित्रपटांच्या कमाईवेळीही होता. यासोबतच चित्रपटाच्या नेट इंडिया कलेक्शनने दोन दिवसांत 150 कोटींचा आकडा पार केला आहे. आता चित्रपटाचे एकूण भारतीय कलेक्शन जवळपास 152 कोटी आहे. जगभरातील चित्रपटाच्या एकूण कलेक्शनने दोन दिवसांत आरामात 200 कोटींचा आकडा पार केला आहे. निर्मात्यांनी अधिकृतपणे शेअर केले आहे की आदिपुरुषने दुसऱ्या दिवशीही जगभरात 100 कोटींची कमाई केली आहे. या चित्रपटाच्या जगभरातील कलेक्शनने दोन दिवसांत 240 कोटींचा आकडा पार केला आहे.
ADVERTISEMENT
हिंदीत जोरदार कमाई, तेलगूमध्ये कलेक्शन घसरले
हिंदी भाषेतील आदिपुरुषने शुक्रवारी 37.25 कोटी रुपयांची कमाई केली. तर शनिवारी थोड्याशा वाढीसह चित्रपटाने 38 कोटींची कमाई केली आहे. चित्रपटाच्या हिंदी कलेक्शनने दोन दिवसांत 75 कोटींचा आकडा पार केला आहे. मात्र, दुसऱ्या दिवशी चित्रपटाच्या तेलुगू व्हर्जनच्या कलेक्शनमध्ये लक्षणीय घट झाली. पहिल्या दिवशी तेलुगूने 48 कोटींची कमाई केली. मात्र शनिवारी तेलुगू व्हर्जनचे कलेक्शन 25 कोटींच्या जवळपास होते.
हेही वाचा >> शिवसेनेच्या कार्यकर्ता मेळाव्यात श्रीकांत शिंदेंनी दिल्या भाजप नेत्यांना कानपिचक्या
तेलगू आवृत्तीमध्ये चित्रपटाची कमाई 45% पेक्षा जास्त घसरली आहे, ज्याचा परिणाम आदिपुरुषच्या टोटल इंडिया कलेक्शनवर दिसून येत आहे. पण प्रभासच्या चित्रपटाची रविवारी आगाऊ बुकींग जवळपास शुक्रवारी होती त्याच पातळीवर असल्याचे अहवालात म्हटले आहे. आदिपुरुषची हिंदी आवृत्ती आज 40 कोटींपर्यंत कमाई करू शकते. पण आज तेलुगु व्हर्जनमध्ये चित्रपटाने चांगली कनेक्शन करणे फार महत्त्वाचे आहे, तरच वीकेंडमध्ये आदिपुरुषचे एकूण भारतीय कलेक्शन जबरदस्त असेल.
ADVERTISEMENT