Adipurush च्या निर्मात्यांसह उच्च न्यायालयाने सेन्सॉर बोर्डालाही घेतलं फैलावर

ADVERTISEMENT

The Lucknow bench of the Allahabad High Court said that the depiction of Maa Sita, Hanuman and other mythological characters in the film Adipurush is objectionable.
The Lucknow bench of the Allahabad High Court said that the depiction of Maa Sita, Hanuman and other mythological characters in the film Adipurush is objectionable.
social share
google news

Adipurush Critics : आदिपुरुष चित्रपटाच्या निर्मात्यांच्या अडचणी काही कमी होताना दिसत नाहीये. चित्रपट प्रदर्शित होऊन दहा दिवस उलटले तरी चित्रपटाबाबत सुरू असलेला वाद थांबलेला नसून, त्यात आणखी वाढ होत आहे. चित्रपटातील संवादांवर आक्षेप घेतला गेला आणि प्रचंड जनक्षोभ या चित्रपटाच्या विरोधात दिसला. मात्र आता हे प्रकरण न्यायालयात पोहोचले आहे. अलाहाबाद उच्च न्यायालयाने लेखक मनोज मुंतशीर शुक्ला यांना आक्षेपार्ह संवाद आणि वादग्रस्त दृश्यांसाठी चित्रपट निर्मात्याला नोटीस पाठवली आहे.

सेन्सॉर बोर्डाला फटकारले

27 जून रोजी झालेल्या सुनावणीत न्यायालयाने चांगलंच फटकारले आणि CBFC म्हणजेच सेन्सॉर बोर्डाच्या वतीने सुनावणीस हजर असलेल्या अतिरिक्त सॉलिसिटर जनरल यांना विचारले की, आक्षेपार्ह दृश्ये, कपडे आणि दृश्यांबद्दल काय केले जात आहे? या धर्माचे लोक खूप सहिष्णू आहेत असे म्हणून आम्हीही डोळे मिटवून घ्यायचे का? ते सहिष्णू आहेत, त्यांच्या सहिष्णूतेची कसोटी घ्यायची का? ही सहनशक्तीची परीक्षा आहे का? ही कोणत्याही प्रोपेगेंडाअंतर्गत केलेली याचिका नाही.

हेही वाचा >> Narendra Modi Speech : उद्धव ठाकरेंसाठी भाजपचे दरवाजे अजूनही खुले आहेत?

यासोबतच हायकोर्टाने असेही विचारले की, सेन्सॉर बोर्डाने आपली जबाबदारी पार पाडली आहे का? हे चांगले आहे की हे त्या धर्माबद्दल आहे, ज्यातील लोकांनी सार्वजनिक सुव्यवस्थेचा प्रश्न निर्माण केला नाही. येथे प्रभू राम, हनुमान आणि माता सीता जसे आहेत असे दाखवले आहेत.

हे वाचलं का?

ADVERTISEMENT

आदिपुरुष टीमला नोटीस बजावली

आदिपुरुष चित्रपटातील माँ सीता, हनुमान आणि इतर पौराणिक पात्रांचे चित्रण आक्षेपार्ह असल्याचे अलाहाबाद उच्च न्यायालयाच्या लखनौ खंडपीठाने म्हटले आहे. या कारणास्तव चित्रपट निर्माते, संवाद लेखक यांना नोटीस बजावण्यात आली आहे. त्याचबरोर सीबीएफसीला म्हणजे सेन्सॉर बोर्डाला अशी विचारणा केली आहे की, चित्रपटाला रिलीजची परवानगी देण्यापूर्वी काय पावले उचलली गेली होती?

कमीत कमी धार्मिक ग्रंथ तर सोडा

26 जून रोजी झालेल्या सुनावणीत न्यायालयाने सांगितले होते की, केवळ रामायणच नाही तर पवित्र कुराण, गुरु ग्रंथ साहिब आणि गीता यांसारखे इतर धार्मिक ग्रंथ तर सोडा. बाकीचे जे काही करत आहात ते करत रहा. चित्रपटाचा निर्माता, दिग्दर्शक आणि इतर प्रतिवादी पक्ष न्यायालयात उपस्थित नसल्याबद्दलही न्यायालयाने कठोर भूमिका घेतली. वरिष्ठ वकील रंजना अग्निहोत्री यांनी सेन्सॉर बोर्डाने अद्याप उत्तर दाखल न केल्याबद्दल आक्षेप घेतला आणि चित्रपटातील आक्षेपार्ह तथ्यांबद्दल न्यायालयाला अवगत केले.

ADVERTISEMENT

हेही वाचा >> NCP चे 70 हजार कोटींचे घोटाळे, सुप्रिया सुळे…, PM मोदींचा शरद पवारांवर पहिला ‘वार’

रावणाने वटवाघळांना मांस खाऊ घालणे, काळ्या रंगाची लंका, वटवाघळांचे रावणाचे वाहन म्हणून वर्णन करणे, विभीषणच्या पत्नीला लक्ष्मणाला संजीवनी देताना दाखवणे, आक्षेपार्ह संवाद आणि इतर सर्व तथ्ये न्यायालयात ठेवण्यात आली होती ज्यावर न्यायालयाने सहमती दर्शवली.

ADVERTISEMENT

निर्मात्यांनी घेतला यू-टर्न

आदिपुरुषमध्ये प्रभासने प्रभू रामाची, तर क्रिती सेनॉनने जानकीची तर सैफ अली खानने लंकेशची भूमिका केली होती. चित्रपटाच्या प्रदर्शनापूर्वी निर्मात्यांनी दावा केला होता की ही रामायणाची कथा आहे, जी ते एका नवीन पद्धतीने मोठ्या पडद्यावर सादर करणार आहेत. मात्र, रिलीजनंतर प्रेक्षकांच्या प्रतिक्रिया पाहून त्यांनी आपले विधान बदलले आणि आम्ही रामायण नव्हे तर रामायणावर आधारित चित्रपट बनवला असल्याचे सांगितले.

हेही वाचा >> PM मोदींनी टाकला डाव’! 85 टक्के व्होट बँक असलेले पसमांदा मुस्लिम कोण?

डायलॉगवर लोकांचा वाढता आक्षेप पाहता निर्मात्यांनी चित्रपटातील आक्षेपार्ह संवादही बदलले होते. पण त्यानंतरही त्यांची फजिती झाली.

    follow whatsapp

    ADVERTISEMENT