Nana Patekar : ‘नाना पाटेकरांचा चाहता, पण…’, टपली खालेल्या तरूणाने सांगितलं नेमकं काय घडलं?

नाना पाटेकरांनी टपली मारलेल्या या तरूणाने आता पुढे येऊन घटनेवर प्रतिक्रिया दिली आहे. माझं नाव राज सुनकर आहे. मी बनारसमधील तुलसीपुर येथे राहतो. मी आंघोळ करण्यासाठी गेलो होतो, पण त्यावेळी माझी नजर शूटिंगच्या ठिकाणी पडली. तिथे नाना पाटेकर होते. मी काही वेळ थांबून वाट पाहिली आणि नंतर त्यांच्याजवळ जाऊन फोटो मागितला. पण त्यांनी फोटो देण्यास नकार दिला आणि मला मारुन तिथून पळवलं, असे तरूणाने सांगितले. तसेच मला सिनेमात कोणतीही भूमिका मिळाली नाही. त्यामुळे या घटनेनंतर माझ्या संपूर्ण एरियात माझा अपमान झाला. मी मार खाल्ला आणि तिथून निघून गेलो,, असे देखील तरूणाने म्हटले आहे.

हे ही वाचा : Crime : गर्लफ्रेंडला निर्जनस्थळी बोलावलं अन् गळा चिरला, बॉयफ्रेंडने हत्या का केली?

Stars won’t exist without fans….Fans should also avoid taking selfies with these egoistic stars…
What is this #Nanapatekar ji???#Prabhas never did like this in his entire career even after getting PAN Indian stardom with #Baahubali ….#Salaar pic.twitter.com/Mb6dIFkzzw

— Tolly hub (@tolly_hub) November 15, 2023

मी नाना पाटेकरांचा मोठा चाहता आहे. ज्यावेळी त्यांना मी पाहिलं त्यावेळी मला आधी विश्वास बसत नव्हता. पण नंतर आणखीण जवळ जाऊन पाहिल्यानंतर मला हे नाना पाटेकर असल्याचा विश्वास बसला. मी त्यांच्याकडे फोटो काढण्यासाठी जात असताना त्यांच्या बाउंसर्सनी मला अडवलं. पण मी त्यांचा मोठा फॅन आहे, त्यामुळे मी न थांबता त्यांच्यासोबत फोटो काढण्यासाठी पुढे गेलो. पण त्यांनी मला मारलं, या प्रकरणी कोणतीही कारवाई होऊ नये, असे आवाहन या तरूणाने केली आहे.

नाना पाटेकर काय म्हणाले?

नाना पाटेकर यांनी देखील या घटनेवर व्हिडिओ जारी करून आपली भूमिका मांडली आहे. सोशल मीडियावर एक व्हिडिओ सध्या प्रचंड व्हायरल होत आहे. सिनेमाची शुटींग सुरु होती. सीनमध्ये एक मुलगा माझ्यामागून येणार होता आणि मी त्याला मारणार होतो, असा सीन आम्हाला शुट करायचा होता. याबाबत आमची एक रिहर्सल ही झाली होती. दिग्दर्शक म्हणाले पुन्हा रिहर्सल करूया.

हे ही वाचा : मृतावर गोळीबार, सर्जिकल ब्लेडने केल्या जखमा, सुनेचा बदला घेण्यासाठी सासऱ्याने असा रचला कट

आम्ही रिहर्सल सुरु करणार तेव्हढ्यात व्हिडिओत दिसणार मुलगा माझ्या मागून आला आणि मी त्याला मारलं. मला नव्हतं माहिती तो कोण आहे. पण जेव्हा मी मागे वळून पाहिलं तेव्हा त्या ठिकाणी आमचा माणूस नव्हता, असे नाना यांनी सांगितले.

The video which is circulating on social media has been misinterpreted by many. What actually happened was a misunderstanding during the rehearsal of a shot from my upcoming film ‘Journey’. pic.twitter.com/UwNClACGVG

— Nana Patekar (@nanagpatekar) November 15, 2023

दरम्यान मी मागे वळताच व्हिडिओत दिसणारा मुलगा पळून गेला, त्याला शोधण्याचा प्रयत्न केला. मी कोणाला मारलेलं नाही. चुक झाली असेल तर माफ करा, कोणाचं मन दु:खावलं गेलं असेल तर माफ करा पण गैरसमज करून घेऊ नका, असे देखील नाना पाटेकर यांनी सांगितले. मी चाहत्यांना कधीही फोटोसाठी नाही म्हणत नाही. असंख्य चाहते माझ्यावर प्रेम करतात. त्यांच्यासोबत मी असं कधीच वागू शकत नाही, असे देखील नाना पाटेकर व्हिडिओमध्ये म्हणाले आहेत.