बिग बॉस मराठीच्या तिसऱ्या सिझनची झाली घोषणा,लवकरच नवीन स्पर्धक जाणार बिग बॉसच्या घरात

गेली दिड वर्ष कोरोनाच्या महामारीमुळे आणि लॉकडाऊन सुरू असल्याने कोणताही नवीन रियालीटी शो सुरू झाला नव्हता. गेलं पूर्ण वर्ष लॉकडाऊनमुळे चित्रिकरण रद्द झालं होतं. त्य़ामुळे प्रेक्षकांमध्ये प्रचंड लोकप्रिय असणारा बिग बॉसचा सिझन ३ कधी येणार याबद्दल प्रेक्षकांमध्ये प्रचंड उत्सुकता होती. मात्र काही दिवसांपूर्वी नियमांमध्ये थोड्या फार प्रमाणात शिथिलता आल्याने आता मुंबईत चित्रिकरणास हळू हळू सुरवात झाली आहे. बिग बॉसचा सेट मुंबईतील फिल्मसिटीमध्ये उभारण्यात येतो. त्याप्रमाणे आता या कामाला सुरवात झाली असून थोड्याच दिवसात या सिझनमध्ये कोण कोणते सेलिब्रेटी असतील हे स्पष्ट होईल आणि लवकरच बिग बॉसचा सिझन ३ ला कलर्स मराठीवर सुरवात होईल.