Naal 2: यंदाची दिवाळी होणार अधिकच धमाकेदार, नागराज मंजुळे घेऊन येतोय ‘नाळ 2’
Naal 2 and Nagaraj Manjule: नाळ या मराठी सिनेमाने राष्ट्रीय पुरस्कारावर मोहोर उमटविल्यानंतर दिग्दर्शक सुधाकर यक्कंटी आणि नागराज मंजुळे यांच्याकडून खूपच अपेक्षा वाढल्या आहेत. अशातच आता नाळ 2 प्रदर्शित होणार आहे.
ADVERTISEMENT
Naal 2 Movie: मुंबई: ‘नाळ’च्या अभुतपूर्व यशानंतर आता झी स्टुडिओज आणि नागराज पोपटराव मंजुळे (nagaraj manjule) पुन्हा एकदा घेऊन येत आहेत ‘नाळ भाग 2’. (Naal 2) 2018 मध्ये प्रदर्शित झालेल्या सुधाकर रेड्डी यक्कंटी दिग्दर्शित ‘नाळ’ या चित्रपटाची प्रेक्षकांशी ‘नाळ’ जोडली गेली. या चित्रपटाने राष्ट्रीय पुरस्कारावरही आपले नाव कोरले. सुधाकर रेड्डी यक्कंटी यांना राष्ट्रीय पुरस्कार, सुवर्ण पदक, पदार्पणातील सर्वोत्कृष्ट दिग्दर्शक म्हणून गौरवण्यात आले. या चित्रपटाने दिवाळीतही चित्रपटगृहात ‘हाउसफुल्ल’चे बोर्ड झळकवले. (this year diwali will be more bang nagaraj manjule is coming with naal 2 marathi movie)
चित्रपटाची भावनिक कथा, लहानग्याचे भावविश्व, ग्रामीण बाज, श्रवणीय गाणी, छायाचित्रण या सगळ्याच गोष्टी प्रेक्षकांना भावल्या. ‘आई मला खेळायला जायचंय’ या गाण्याने तर प्रेक्षकांवर जादूच केली. त्यामुळे प्रेक्षकांना पुन्हा एकदा ‘चैत्या’च्या त्या निरागस भावविश्वात नेण्यासाठी सुधाकर रेड्डी यक्कंटी सज्ज झाले आहेत. ‘नाळ भाग 2’च्या निमित्ताने मराठी सिनेसृष्टीला परत एक ‘सुपरहिट’ सिनेमा मिळणार, हे निश्चित!
नाळ 2 चा टिझर
नुकतेच ‘नाळ भाग 2’चे टिझर सोशल मीडियावर झळकले आहे. आता ‘नाळ भाग 2’मध्ये कोण कोण कलाकार असणार, नेमके यात काय पाहायला मिळणार आणि चित्रपटातील गाणी कशी असणार, याबाबत प्रेक्षकांमध्ये आता कमालीची उत्सुकता पाहायला मिळत आहे.
हे ही वाचा >> Sharad Pawar: ‘…हे घटनात्मक पाप आहे’, पवार गटाचा राहुल नार्वेकरांवर मोठा आरोप
दरम्यान टीझरमधील छायाचित्रण बघून ‘नाळ 2’ही कमाल असणार यात शंकाच नाही. येत्या दिवाळीत म्हणजेच 10 नोव्हेंबर रोजी हा ‘नाळ भाग 2’ प्रदर्शित होणार आहे. त्यामुळे यंदाची दिवाळी प्रेक्षकांसाठी अधिकच धमाकेदार असणार आहे.
हे वाचलं का?
