PM मोदींची मोठी घोषणा! तुम्हालाही पैसे कमवण्याची संधी? समजून घ्या प्रक्रिया
pradhan mantri jan aushadhi kendra apply online : To open Pradhan Mantri Jan Aushadhi Kendra, you have to pay a fee of Rs 5,000 for applying.
ADVERTISEMENT
Pm modi Jan Aushadhi Kendra : भारताच्या 77 व्या स्वातंत्र्यदिनी दिल्लीतील लाल किल्ल्यावरून संबोधित करताना पंतप्रधान नरेंद्र मोदींनी जनऔषधी केंद्र योजनेबद्दल मोठी घोषणा केली. पंतप्रधान मोदी म्हणाले की, आता देशभरातील जनऔषधी केंद्रांची संख्या 10,000 वरून 25,000 पर्यंत वाढवण्याची योजना आहे. जेनेरिक औषधांची उपलब्धता वाढवण्याचे उद्दिष्ट पूर्ण करण्याबरोबरच ते लोकांच्या उत्पन्नाचे चांगले साधनही बनत आहेत. (how to apply for jan aushadhi kendra)
देशातील जनतेला आजारांवर उपचारासाठी औषधे स्वस्त दरात उपलब्ध करून देण्यात जनऔषधी केंद्रे मोठी भूमिका बजावत असून याला उदंड प्रतिसाद मिळत आहे. याआधी, सरकारने मार्च 2024 पर्यंत देशभरात 10,000 जन औषधी केंद्रे सुरू करण्याचे उद्दिष्ट ठेवले होते, जे जवळजवळ वेळेपूर्वीच पूर्ण झाले आहे.
नुकतेच संसदेत आपल्या भाषणात अर्थमंत्री निर्मला सीतारामन यांनी आकडेवारी सादर करताना सांगितले होते की, 2014 मध्ये देशात केवळ 80 केंद्रे होती, मात्र मोदी सरकारच्या गेल्या 9 वर्षांच्या काळात या जनऔषधी केंद्रांची संख्या वाढली आहे. औषधी केंद्रांची संख्या वाढून 9,884 झाली आहे.
हे वाचलं का?
ADVERTISEMENT
पंतप्रधान मोदींनी सांगितला प्लान
स्वातंत्र्यदिनानिमित्त बोलताना पंतप्रधान नरेंद्र मोदी म्हणाले, ‘कोणाला मधुमेह झाला तर त्याला महिन्याला सुमारे 3,000 रुपये खर्च करावे लागतात. या जनऔषधी केंद्रांवर 100 रुपये किमतीची आजारांवर उपचारासाठी वापरण्यात येणारी औषधे अवघ्या 10 ते 15 रुपयांमध्ये उपलब्ध करून दिली जात आहेत. पंतप्रधान पुढे म्हणाले की, आता ‘जन औषधी केंद्रांची’ संख्या 10,000 वरून 25,000 करण्याची सरकारची योजना आहे. सर्वांसाठी परवडणारी जेनेरिक औषधे उपलब्ध व्हावीत यासाठी ही स्थापना करण्यात आली आहे.
वाचा >> Bigg Boss OTT 2 winner : घरच आहे 14 कोटींचं, एल्विश यादवची महिन्याची कमाई किती?
प्रत्येक गल्लीत उघडणार जनऔषधी केंद्र
पंतप्रधान नरेंद्र मोदींच्या घोषणेनंतर आता देशातील जवळपास प्रत्येक गल्लीबोळात जनऔषधी केंद्रे उघडलेली दिसतील, कारण सरकार आपले जुने टार्गेट पूर्ण करण्याच्या जवळ आहे आणि पंतप्रधान मोदींनी पूर्वीच्या तुलनेत दीड पट अधिक केंद्रे सुरू करण्याचा मानस व्यक्त केला आहे. लोकांना स्वस्तात जेनेरिक औषधे उपलब्ध करून देणारी ही जनऔषधी केंद्रे खरे तर एखाद्या छोट्या मेडिकल स्टोअरसारखी आहेत. हे उघडण्यासाठी, अर्ज करताना काही अटी पूर्ण कराव्या लागतील, त्यानंतर ही केंद्रे उघडून तुम्ही मोठी कमाई करू शकता.
ADVERTISEMENT
जनऔषधी केंद्र कोण उघडू शकेल?
जनऔषधी केंद्र उघडण्याच्या पात्रतेबद्दल बोलताना, पहिल्या श्रेणीतील कोणतीही व्यक्ती यामध्ये बेरोजगार फार्मासिस्ट, कोणताही डॉक्टर किंवा नोंदणीकृत वैद्यकीय व्यवसायी जन औषधी केंद्र उघडू शकतात. ट्रस्ट, एनजीओ, खासगी रुग्णालय इत्यादी दुसऱ्या श्रेणीत येतात. तिसऱ्या श्रेणीमध्ये राज्य सरकारांनी नामनिर्देशित केलेल्या संस्थांना जन औषधी केंद्रे उघडण्याची संधी मिळते. प्रधानमंत्री जनऔषधी केंद्र योजनेअंतर्गत एससी-एसटी आणि दिव्यांग अर्जदारांना 50,000 रुपयांपर्यंतची औषधे आगाऊ दिली जातात. प्रधानमंत्री जन औषधी केंद्राच्या नावाने हे दुकान सुरू होते.
ADVERTISEMENT
हे दुकान सुरू करण्यासाठी परवाना आवश्यक
जनऔषधी केंद्र उघडण्यासाठी प्रथम रिटेल ड्रग्ज सेल्स म्हणजेच ‘किरकोळ औषध विक्री’चा परवाना घ्यावा लागतो. तुम्ही अधिकृत वेबसाइटवरून त्याचा फॉर्म ऑनलाइन डाउनलोड करू शकता. जनऔषधी केंद्रात औषधांच्या विक्रीवर 20 टक्के कमिशन दिले जाते. याशिवाय दर महिन्याला होणाऱ्या विक्रीवर 15 टक्के प्रोत्साहनही दिले जाते. प्रधानमंत्री जनऔषधी केंद्र योजनेअंतर्गत सरकार दुकान उघडण्यासाठी फर्निचर आणि इतर गोष्टींसाठी दीड लाख रुपयांपर्यंतची मदत देते. बिलिंगसाठी संगणक आणि प्रिंटर यासारख्या वस्तू खरेदी करण्यासाठी सरकार आर्थिक मदत देखील करते.
वाचा >> Big Boss OTT 2: एल्विश यादवने जिंकली ट्रॉफी, कसा मोडला 16 वर्षांचा रेकॉर्ड?
अर्ज करण्याचा खर्च किती? (eligibility for jan aushadhi kendra)
प्रधानमंत्री जनऔषधी केंद्र उघडण्यासाठी तुम्हाला अर्ज करण्यासाठी 5,000 रुपये शुल्क भरावे लागेल. महत्त्तवाचं म्हणजे हे केंद्र उघडण्यासाठी अर्जदाराकडे डी. फार्मा किंवा बी.फार्मा प्रमाणपत्र आवश्यक आहे. याशिवाय, तुमच्याकडे केंद्र उघडण्यासाठी पुरेशी जागा असावी, ज्याचे क्षेत्रफळ सुमारे 120 चौरस फूट निश्चित करण्यात आले आहे. अर्ज प्रक्रियेदरम्यान विशेष श्रेणी आणि विशेष क्षेत्राच्या अर्जदारांसाठी शुल्कात सूट देण्याची तरतूद देखील करण्यात आली आहे. केंद्रावर अर्ज करण्यासाठी आधार कार्ड, फार्मासिस्ट नोंदणी प्रमाणपत्र, पॅन कार्ड, वैध मोबाइल क्रमांक, रहिवासी प्रमाणपत्र यासारखी कागदपत्रे आवश्यक आहेत.
अतिशय सोपी अर्ज प्रक्रिया
janaushadhi.gov.in या अधिकृत वेबसाइटला भेट द्या.
होम पेजवरील मेनूमधील Apply For Kendra या पर्यायावर क्लिक करा.
नवीन पानावरील Click Here To Apply या पर्यायावर क्लिक करा.
आता साइन इन फॉर्म उघडेल, ज्याच्या खाली Register now पर्याय निवडा.
हे केल्यानंतर, नोंदणी फॉर्म तुमच्या स्क्रीनवर उघडेल, त्यात मागितलेली माहिती भरा.
यानंतर, दिलेल्या बॉक्समध्ये राज्य निवडा आणि आयडी-पासवर्ड विभागात कन्फर्म पासवर्ड टाका.
यानंतर तुम्हाला नियम आणि अटींवर टिक करा आणि नंतर सबमिट पर्यायावर क्लिक करा.
आता PM जन औषधी केंद्रासाठी तुमची ऑनलाइन अर्ज प्रक्रिया पूर्ण होईल.
ADVERTISEMENT