Amit Shah Dhule : इंदिरा गांधी स्वर्गातून खाली आल्या तरी... धुळ्यातील भाषणात अमित शाह काय म्हणाले?

Amit Shah Dhule Sabha : अवघ्या काही दिवसांवर राज्यातल्या विधानसभा निवडणुका आल्या असून, पुढच्या दहा दिवसात त्या विधानसभा निवडणुकांचे निकालही लागलेले असतील. अशातच निवडणुका जवळजवळ येत असताना प्रचाराचा जोरही वाढत चालला आहे. महायुती आणि महाविकास आघाडीच्या प्रचारासाठी बड्या नेत्यांची फौज सध्या महाराष्ट्राच्या मैदानात आहेत. अशातच पंतप्रधान मोदी आणि केंद्रीय गृहमंत्री अमित शाह हे सुद्धा सध्या महाराष्ट्रात आहेत. काही दिवसांपूर्वी धुळ्यात पंतप्रधान मोदींची सभा झाली होती, त्यानंतर आता आज अमित शाह आज धुळ्यात होते. धुळ्यात असताना अमित शाह यांनी 370 बद्दल बोलताना थेट इंदिरा गांधींचं नाव घेत काँग्रेसवर निशाणा साधला.