Amit Thackeray : शिवाजी पार्क दीपोत्सव प्रकरणी चौकशी सुरू, ठाकरेंच्या शिवसेनेच्या तक्रारीची दखल, अमित ठाकरेंची उमेदवारी...

Uddhav Thackeray Shiv Sena Vs Amit Thackeray : मनसेच्या शिवाजी पार्कमधील दिपोत्सवावर आक्षेप घेत उद्धव ठाकरेंच्या शिवसेनेने निवडणूक आयोगाकडे तक्रार दाखल केली होती. त्या तक्रारीची दखल घेत चौकशी सुरू केल्याची माहिती नुकतीच समोर आली आहे. त्यामुळे आता राजपुत्राची उमेदवारी अडचणीत येणार का? हे पाहणं महत्वाचं असणार आहे. गेल्या काही वर्षांपासून मुंबईतील दादर परिसरात असणाऱ्या शिवाजी पार्क मैदानात मनसेकडून दीपोत्सव साजरा करण्यात येतो. यंदाही हा दीपोत्सव साजरा होतोय. मात्र एकीकडे विधानसभा निवडणुकांची आचारसंहिता असताना हा कार्यक्रम होत असल्यानं उद्धव ठाकरे यांच्या शिवसेनेने आक्षेप घेत निवडणूक आयोगाकडे तक्रार दाखल केली होती.