Vidhan Sabha election : वसंत मोरे ठाकरेंच्या शिवसेनेत, पुण्यात शरद पवारांचं गणित बिघडणार?
Vasant more : वसंत मोरे यांच्या शिवसेनेतील प्रवेशाने महाविकास आघाडीतील जागावाटपाची समिकरणे बदलणार असेच सध्या दिसत आहे. पण, शरद पवारांची राष्ट्रवादी मतदारसंघाचा त्याग करणार का? हा महत्त्वाचा मुद्दा आहे.
ADVERTISEMENT
बातम्या हायलाइट
वसंत मोरे यांचा ठाकरेंच्या शिवसेनेत प्रवेश
वसंत मोरे पुण्यातील हडपसर विधानसभा मतदारसंघातून लढण्यास इच्छुक
राष्ट्रवादी काँग्रेस ठाकरेंच्या शिवसेनेला जागा देणार का?
Pune Politics : 'पुणे की पसंत मोरे वसंत' असं म्हणत वसंत मोरेंनी पुण्याची लोकसभा निवडणूक लढवण्याचा चंक बांधला होता. पण, मनसेने लोकसभेच्या निवडणुका न लढवण्याचा निर्णय घेतल्यानंतर वसंत मोरेंनी मनसेला सोडचिठ्ठी दिली. आधी पवारांची भेट, नंतर संजय राऊतांची भेट आणि अखेर वंचित बहुजन आघाडीत मोरेंनी प्रवेश करत पुण्याची लोकसभेची निवडणूक लढवली. या निवडणुकीत मोरेंचं थेट डिपॉझिटच जप्त झालं. आता विधानसभा निवडणुकीचे वेध लागलेल्या वसंत मोरेंनी ठाकरेंच्या शिवसेनेत प्रवेश केला. ठाकरेंच्या शिवसेनेत मोरे आल्याने तिकडे पुण्यात मात्र पवारांचं गणित बिघडणार असंच दिसतंय. त्यांचं नेमकं कारण काय आहे? (how politics changed of maha vikas aghadi in pune after vasant more joined uddhav Thackeray's shiv sena)
राज ठाकरेंच्या मशीदींवरील भोंग्यांच्या भूमिकेला केलेल्या विरोधामुळे पुण्याचे वसंत मोरे चर्चेत आले होते. 'मी माझ्या भागातील मशिदीवरील भोंग्यांच्या विरोधात आंदोलन करणार नाही', असं वसंत मोरे म्हणाले होते. त्यांच्या या भूमिकेनंतरच वसंत मोरे हे मनसेत नाराज असल्याच्या चर्चा होत्या. वसंत मोरे यांना त्यांचं शहराध्यक्ष पदही पुन्हा देण्यात आलं नाही. वसंत मोरे सातत्याने पुणे मनसेतील पदाधिकाऱ्यांबाबत नाराजी व्यक्त करत होते.
Vasant More : वंचित बहुजन आघाडीत प्रवेश, लोकसभेत पराभव
अखेर लोकसभेच्या निवडणुकीच्या आधी वसंत मोरेंनी मनसेला सोडचिठ्ठी देत वंचितमध्ये प्रवेश केला. वंचितकडून वसंत मोरेंनी लोकसभेची निवडणूक लढवली. पण या निवडणुकीत त्यांचा दारुन पराभव झाला. वसंत मोरे यांना अवघी ३२ हजार १२ इतकी मतं मिळाली. पुणे की पसंत मोरे वसंत म्हणणारे वसंत मोरे त्यांचं डिपॉझिट देखील वाचवू शकले नाही.
हेही वाचा >> पोलिसांना गुंगारा देणारा मिहीर शाह कुठे लपला होता?
'वंचितच्या मतदारांनी मला स्विकारलं नाही', असं त्यानंतर वसंत मोरे म्हणाले. लोकसभेच्या तोंडावर वसंत मोरेंना पक्षात घेऊन उमेदवारी दिल्याने वंचितचा कार्यकर्ता देखील नाराज झाला होता.
हे वाचलं का?
