Vinod Tawde : भाजपचा विरोध असूनही नवाब मलिक यांना अजितदादांकडून उमेदवारी? तावडे म्हणाले आम्ही...

हे ही वाचा >>PM Narendra Modi Dhule : एक है तो, सेफ है.... धुळ्याच्या सभेत मोदींचा नवा नारा, नेमका अर्थ काय?

भाजपने नवाब मलिक यांच्या उमेदवारीला विरोध केला होता. नवाब मलिक यांच्यावर काही महिन्यांपूर्वीच भाजपनेच गंभीर आरोप केलेले होते, मात्र दुसरीकडे अजित पवार यांनी नवाब मलिक यांना पूर्ण न्याय देण्याचा प्रयत्न केला. तसंच अजित पवार हे नवाब मलिक यांच्या प्रचारातही दिसणार आहेत. यावर विनोद तावडे म्हणाले की, त्या पक्षाने तो एक उमेदवार दिला म्हणून थेट युती तोडता येत नाहीत, मात्र पुढे काही गोष्टी होऊ शकतात. तसंच पुढे बोलताना विनोद तावडे म्हणाले की, आशिष शेलार आणि देवेंद्र फडणवीस यांनी स्पष्ट केलंय की, आम्हाला या प्रचाराला जाणार नाही.

दुसरीकडे झिशान सिद्दीकी हे सुद्धा आपल्या प्रचारामध्ये पंतप्रधान नरेंद्र मोदी यांचा फोटो वापरणं टाळताना दिसतायत. तसंच त्यांना याबद्दल विचारलं असता त्यांनी झिशान सिद्दीकी यांनी बोलणं टाळलं. यावर बोलताना विनोद तावडे म्हणाले की, झिशान सिद्दीकी यांना महायुतीचं तिकीट स्वीकारलं म्हणजे  महायुतीचं नेतृत्वही स्वीकारलं.

उद्धव ठाकरे यांनी युती तोडली नसती, तर राज्याचं चित्र खूप वेगळं असतं असं विनोद तावडे म्हणाले आहेत. मोदींच्या, भाजपच्या, हिंदुत्वाच्या  नावावर मतं घेऊन निवडून आले आणि त्यानंतर हिंदुत्वादाला विरोध करणाऱ्या काँग्रेससोबत सरकार स्थापन केलं असंत म्हणत टीका केली.