Mumbai University Senate Election : ‘ठाकरे’ लढणार होते विरोधात, पण येणार एकत्र?
मुंबई विद्यापिठाने सिनेट निवडणूक स्थगित करण्याचा निर्णय घेतल्यानंतर राजकारण तापलं आहे. युवा सेना, मनविसे आणि इतर विरोधी पक्षाच्या विद्यार्थी आघाड्यांनी यावर टीका केली आहे.
ADVERTISEMENT
Mumbai University Senate Election News in marathi : मुंबईतील राजकारण पुन्हा एका निवडणुकीच्या पेटलंय. आधीच मुंबई बृहन्मुंबई महापालिकेची निवडणूक कधी लागणार, हे अजूनही अंधातरीच आहे. त्यात घोषित करण्यात आलेली निवडणूकच स्थगित करण्यात आली. त्यामुळे एकमेकांना पराभवाची धूळ चारण्यासाठी मोर्चे बांधणी करणाऱ्या दोन्ही ठाकरेंना आता एकत्र येऊन याविरोधात आवाज उठवण्याची वेळ आलीये.
मुद्दा आहे मुंबई विद्यापिठाच्या सिनेट निवडणुकीचा. मुंबई विद्यापीठातील 10 सिनेट सदस्यांसाठी ही निवडणूक होणार होती. 9 ऑगस्ट रोजी या निवडणुकीचा कार्यक्रम घोषित झाला. 18 ऑगस्ट म्हणजेच शुक्रवार अर्ज भरण्याचा शेवटचा दिवस होता. पुढच्या महिन्यात म्हणजेच 10 सप्टेंबर रोजी मतदान होणार होतं, तर 18 सप्टेंबरला निकाल जाहीर होणार होता.
जवळपास 95 हजार मतदार या निवडणुकीत मतदान करणार होते. पण, एका रात्रीमध्ये सगळा गेम पलटला. मुंबई विद्यापिठाने रातोरात सिनेटची निवडणूक स्थगित करण्याचा निर्णय घेतला. या निवडणुका पुन्हा कधी होणार? यावर अद्याप कोणतंही स्पष्टीकरण आलं नसलं तरी एकमेकांच्या विरोधात लढणारे आता एकमेंकांच्या सोबत येऊन मुद्दा मांडताना दिसत आहेत.
युवा सेना, मनविसेने काय म्हटलंय?
मुंबई विद्यापीठ प्रशासनाच्या या निर्णयावर युवा सेनेचे वरुण देसाई म्हणाले की, “मुंबई विद्यापीठाची सिनेट निवडणूक अचानक स्थगित करून टाकली! निवडणूक कार्यक्रम जाहीर झाल्यावर असे करणे हे बेकायदेशीर आणि घाबरटपणाचे लक्षण आहे. आपण जिंकणार नाही म्हणून कोणत्याच निवडणूका नकोत, अगदी विद्यापीठाच्या पण नकोत हे लोकशाहीला प्रचंड घातक आहे.”
हे वाचलं का?
