इतकी संपत्ती कशी जमवली हे अनिल देशमुख अजुनही सांगू शकले नाहीत – ईडीची कोर्टात माहिती

“देशमुख यांनी आपल्या कारकिर्दीत मोठ्या प्रमाणात संपत्ती जमा केली आहे, ती कशी जमा केली याचा स्त्रोत ते अजुनही सांगू शकले नाहीयेत. अनिल देशमुख हे राज्यातले मोठे राजकीय नेते असून त्यांचे मोठ्या व्यक्तींशी राजकीय संबंध आहेत. त्यामुळे जामिन मिळाला तर ते साक्षीदारांववर दबाव आणू शकतात”, असं ईडीने कोर्टासमोर सांगितलं. तसेच त्यांना जामिन मिळाला तर या तपासातील पुराव्यांशी ते छेडछाड करु शकतात असंही ईडीने कोर्टाला सांगितलं आहे.

ST संपाचा तिढा सुटला ! कर्मचाऱ्यांनी २२ एप्रिलपर्यंत कामावर रुजू व्हावं – हायकोर्टाचे आदेश

तसेच या प्रकरणात अनेक संशयितांचा जबाब नोंदवणं बाकी आहे जे अजुनही तपासाला सामोरं जाणं टाळत आहेत. त्यामुळे या घडीला अनिल देशमुखांना जामिन दिल्यास तपासावर त्याचा विपरीत परिणाम होऊ शकतो असं ईडीने सांगितलं. विशेष PMLA कोर्टाने देशमुख यांचा जामीन फेटाळल्यानंतर त्यांनी याविरुद्ध हायकोर्टात धाव घेतली आहे.