एलन मस्क यांनी घेतला Twitter चा ताबा, सीईओ पराग अग्रवाल यांची हकालपट्टी

जगातले सर्वात श्रीमंत व्यक्ती असलेल्या एलन मस्क यांनी ट्विटर खरेदी करून ताब्यात घेतलं आहे. गेल्या काही महिन्यांपासून ट्विटरसोबत जी डील होती त्याचा वाद सुरू होता. सुरूवातीला ४४ अब्ज डॉलर्सची ऑफर देत एलन मस्क ट्विटर खरेदी करणार असल्याचं वृत्त आलं होतं. मात्र यातून त्यांनी काढता पाय घेतला आणि ही डील फिस्कटली होती. त्यानंतर ट्विटरने न्यायालयात धाव घेतली. ज्यामुळे ट्विटर खरेदी करणं किंवा कारवाईला सामोरं जाणं हे दोनच पर्याय मस्क यांच्यापुढे उरले होते. पण, या करारामुळे पराग अग्रवाल यांना सीईओ पदावरून पायउतार व्हावं लागलं.