लसीकरणात ‘या’ व्यक्तींना मिळणार प्राधान्य, सरकारकडून निकष जाहीर

४५ ते ६० वयोगटापर्यंत व्यक्तींना देखील कोरोनाची लस मिळणार आहे. मात्र यासाठी ज्या व्यक्तींची तब्येत खराब आहे अशा लोकांना पहिले प्राधान्य दिलं जाईल. यासाठी केंद्र सरकारने २० आजारांची यादी जाहीर केली असून हार्ट फेल्युअर, डायबिटीस, किडनीचे आजार, कॅन्सर, एचआयव्ही अशा आजारांनी त्रस्त असलेल्या व्यक्तींना लसीकरणासाठी पहिले प्राधान्य दिलं जाणार आहे.

Presence of any of 20 criteria (attached with tweet) will be prioritized for vaccination; it includes heart failure with hospital admission in past one yr, kidney/liver/hematopoietic stem cell transplant recipient/on waitlist, decompensated cirrhosis, end-state kidney disease:GoI pic.twitter.com/LOB9AmjkPh

— ANI (@ANI) February 27, 2021

सुरुवातीच्या टप्प्यांत हे लसीकरण फक्त सरकारी हॉस्पिटलमध्ये होत होतं. आता खासगी हॉस्पिटलमध्येही लसीकरणाला सरकारने परवानगी दिली असून या लसीकरणासाठी २५० रुपये एवढा दर निश्चीत करण्यात आला आहे. २५० रुपयांमध्ये १०० रुपये सर्विस चार्ज तर १५० रुपये लसीच्या डोसची किंमत असणार आहे. सरकारी रुग्णालयात होणारं लसीकरण मात्र मोफत होणार आहे.

प्रायव्हेट हॉस्पिटलमध्ये होणाऱ्या लसीकरणाबद्दल केंद्र सरकार लवकरच अधिकृत घोषणा करणार आहे. मिळालेल्या माहितीनुसार कोरोनाच्या लसीची एक किंमत ठरवली जाणार आहे, मात्र या किमतीवर कोणतेही निर्बंध नसणार आहेत. येत्या एक-दोन दिवसांमध्ये केंद्र सरकार खासगी हॉस्पिटलमध्ये कोरोना लसीकरणाबद्दल निर्णय घेण्याची शक्यता आहे.