फडणवीसांच्या ‘त्या’ आरोपांना वळसे-पाटलांचं थेट उत्तर, पाहा विधानसभेत काय घडलं
मुंबई: विधानसभेचे विरोधी पक्ष नेते देवेंद्र फडणवीस यांना पाठविण्यात आलेली नोटीस आणि पोलिसांनी त्यांचा तो जबाब नोंदवून घेतला त्यावरुन विरोधक आणि सत्ताधारी सभागृहात आमनेसामने आले. याचवेळी राज्याचे गृहमंत्री दिलीप वळसे-पाटील यांनी या सगळ्याला प्रकरणात सभागृहात सविस्तर माहिती देताना स्पष्ट केलं की, देवेंद्र फडणवीस यांना अडचणीत आणण्याचा किंवा कोणत्याही कटात फसवण्याचा सरकारचा अजिबात हेतू नाही. पोलीस […]
ADVERTISEMENT
मुंबई: विधानसभेचे विरोधी पक्ष नेते देवेंद्र फडणवीस यांना पाठविण्यात आलेली नोटीस आणि पोलिसांनी त्यांचा तो जबाब नोंदवून घेतला त्यावरुन विरोधक आणि सत्ताधारी सभागृहात आमनेसामने आले. याचवेळी राज्याचे गृहमंत्री दिलीप वळसे-पाटील यांनी या सगळ्याला प्रकरणात सभागृहात सविस्तर माहिती देताना स्पष्ट केलं की, देवेंद्र फडणवीस यांना अडचणीत आणण्याचा किंवा कोणत्याही कटात फसवण्याचा सरकारचा अजिबात हेतू नाही.
पोलीस बदल्यांचा प्रकरणातील फोन टॅपिंग प्रकरणी देवेंद्र फडणवीस यांनी राज्य सरकारवर गंभीर आरोप केले होते. पण या प्रकरणातील संवेदनशील माहिती फडणवीस यांना कशी मिळाली यासाठी पोलिसांनी त्यांना त्यांचा जबाब नोंदविण्यासाठी नोटीस बजावली होती. त्यानुसार पोलिसांनी फडणवीसांची चौकशीही केली. याच चौकशीनंतर फडणवीसांनी असा आरोप केला होता की, ‘साक्षीदाराचा जबाब घेतात तसे नव्हे, तर मला आरोपी, सहआरोपी बनवता येईल का असे प्रश्न विचारण्यात आलेले.’
याचबाबत वळसे-पाटील यांनी सभागृहात सविस्तर उत्तर दिलं आहे. पाहा वळसे-पाटील नेमकं काय म्हणाले:
‘मला विधानसभेचा सदस्य म्हणून गेली 37 वर्ष निवडून येत आहे. विधानसभेचा अध्यक्ष म्हणूनही काम करण्याची संधी मला मिळाली. सभागृहाच्या प्रथा, परंपरा आणि प्रिव्हलेज हे मला माहिती आहे. विरोधी पक्षनेत्यांनाही प्रिव्हलेज काय आहे हे देखील माहीत आहे.’
हे वाचलं का?
