जपानचे माजी पंतप्रधान शिंजो आबे यांच्यावर भरदिवसा गोळीबार

जपानचे माजी पंतप्रधान शिंजो आबे यांच्यावर प्राणघातक हल्ला करण्यात आला. शिंजो आबे यांच्या छातीत गोळी लागली असून, त्यांना तातडीनं रुग्णालयात भरती करण्यात आलं.

मिळालेल्या माहितीनुसार शिंजो आबे यांची प्रकृती गंभीर असून, गोळी लागल्यानं प्रचंड रक्तस्त्राव झाला आहे. गोळी लागल्यानंतर शिंजो आबे यांना ह्रदयविकाराचा झटकाही आला होता, अशीही माहिती समोर आलीये.

शिंजो आबे यांच्यावर जपानमधील नारा शहरात हा हल्ला करण्यात आला. हे शहर जपान पश्चिम भागात आहे. शिंजो आबे हे भाषण करत होते. त्याचवेळी त्यांच्यावर गोळ्या झाडण्यात आल्या. शिंजो आबे भाषण करत असताना अचानक खाली कोसळले.