पंतप्रधान नरेंद्र मोदींकडून सगळ्या राज्यांतील कोरोना स्थितीचा आढावा, महाराष्ट्राने काय केल्या मागण्या?

लसीकरणाबाबत जो काही राष्ट्रीय कार्यक्रम सुरू आहे त्यामध्ये कोव्हॅक्सिनचे 40 लाख आणि कोव्हिशिल्डचे 50 लाख डोस मागितल्याची माहिती राजेश टोपेंनी दिली. 15 ते 18 या वर्षातील वयोगटातील मुलाचं लसीकरण करण्यासाठी वृद्ध व्यक्तींना बूस्टर डोस देण्यासाठी कोव्हॅक्सिन ही लस कमी पडते आहे त्यामुळे केंद्राकडे वाढीव लस पुरवठ्याची मागणी केली आहे. अनेक लोक लसीकरण करून घेत नाहीये त्याबाबत केंद्राकडून काही नियमावली करता येईल का अशी विचारणाही केल्याचं राजेश टोपे यांनी स्पष्ट केलं.

स्थानिक पातळीवर कोरोना नियंत्रणावर लक्ष केंद्रित करा. तसेच अर्थव्यवस्थेची गती कायम ठेवण्याचा प्रयत्न करा. कोरोना काळात अर्थव्यवस्था कोलमडणार नाही याकडे लक्ष केंद्रीत करा, अशी सूचना पंतप्रधान नरेंद्र मोदी यांनी देशातील मुख्यमंत्र्यांना केली आहे. देशातील वाढत्या कोरोना रुग्णांच्या पार्श्वभूमीवर गुरुवारी पंतप्रधान नरेंद्र मोदी यांनी 30 राज्यांच्या मुख्यमंत्र्यांशी चर्चा केली. या राज्यातील कोरोना स्थिती जाणून घेण्याचा प्रयत्न केला. तसेच लॉकडाऊन लागणार लागणार नाही, याची काळजीही घ्या असा सल्ला दिलाय.