महाराष्ट्रात स्त्री आणि अल्पवयीन मुलींवर होणाऱ्या अत्याचाराच्या घटनांमध्ये वारंवार वाढ होताना दिसत आहे. लातूरच्या औसा तालुक्यातील तुंगी गावात आरोपीने सलग तीन महिन्यांपासून १५ वर्षाच्या अल्पवयीन मुलीवर बलात्कार केल्याची धक्कादायक घटना समोर आली आहे. पीडित मुलगी गर्भवती राहिल्यानंतर हा धक्कादायक प्रकार उघडकीस आला.
पीडित मुलीवर लातूरच्या शासकीय रुग्णालयात उपचार करुन गर्भपात करण्यात आला. यानंतर याप्रकरणी पोलिसांत तक्रार दाखल करण्यात आली. ज्यावरुन आरोपीला अटक करण्यात आली आहे. तुंगी गावातील 31 वर्षीय आरोपीने स्वतःच्या घर शेजारी राहणारी 15 वर्षीय अल्पवयीन मुलीला बोलावून जबरदस्तीने बलात्कार केला.
सदरची पीडित मुलगी 3 महिन्याची गरोदर राहिली तिच्यावर लातूरच्या शासकीय रुग्णालयात उपचारासाठी दाखल करून गर्भपात करण्यात आला आहे आवश्यक नमुने रासायनिक तपासणीसाठी नांदेड येथील प्रयोगशाळेत पाठवलं असून महिला तक्रार निवारण केंद्रातील सहाय्यक पोलीस निरीक्षक दीपाली गीते यांच्या फिर्यादीवरून औसा पोलिसात गुन्हा दाखल करण्यात आला आहे.
दुसरीकडे लातूरमध्येच औसा शहरातील निलंगा वेस येथे राहणाऱ्या ११ वर्षीय मुलावर त्याच्यात चुलत भावाने शाररिक अत्याचार केले आहेत. पीडित मुलाच्या भावाने आपल्या भावाला घरात बोलावून त्याला भीती दाखवत त्याच्यावर शाररिक अत्याचार केले. पीडित मुलाने आपल्या आई व मामा ला ही गोष्ट सांगितल्यानंतर त्यांनी पोलिसांत तक्रार दाखल केली. पोलिसांनी चौकशीसाठी भावाला ताब्यात घेतल्यानंतर त्याने गुन्ह्याची कबुली दिली. परंतू पीडित मुलाच्या पालकांनी तक्रार दाखल करण्यास नकार दिल्यानंतर महिला पोलीस उपनिरीक्षक निलम घोरपडे यांच्या फिर्यादी वरून औसा पोलिसात गुन्हा दाखल करण्यात आला असून आरोपीला अटक केली आहे.
