Sakinaka बलात्कार आणि खून प्रकरण-मुंबई पोलिसांनी 18 दिवसांत दाखल केलं आरोपपत्र
साकीनाका बलात्कार आणि खून प्रकरणात मुंबई पोलिसांनी 18 दिवसात आरोपपत्र दाखल केलं आहे. साकिनाका भागात ही धक्कादायक घटना घडली होती. 10 सप्टेंबरला ही धक्कादायक घटना घडली होती. या प्रकरणात आता 346 पानांचं आरोपपत्र दाखल करण्यात आलं आहे. या आरोपपत्रात 77 साक्षीदारांच्या साक्षी नोंदवण्यात आल्या आहेत. तसंच मेडिकल रिपोर्ट, फॉरेन्सिक अहवाल आणि परिस्थितीजन्य पुरावे असं सगळं […]
ADVERTISEMENT
साकीनाका बलात्कार आणि खून प्रकरणात मुंबई पोलिसांनी 18 दिवसात आरोपपत्र दाखल केलं आहे. साकिनाका भागात ही धक्कादायक घटना घडली होती. 10 सप्टेंबरला ही धक्कादायक घटना घडली होती. या प्रकरणात आता 346 पानांचं आरोपपत्र दाखल करण्यात आलं आहे. या आरोपपत्रात 77 साक्षीदारांच्या साक्षी नोंदवण्यात आल्या आहेत. तसंच मेडिकल रिपोर्ट, फॉरेन्सिक अहवाल आणि परिस्थितीजन्य पुरावे असं सगळं जोडण्यात आलं आहे. दिंडोशी कोर्टात हे आरोपपत्र दाखल करण्यात आलं.
काय आहे प्रकरण?
दिल्लीतील निर्भया प्रकरणाची आठवण करून देणाऱ्या बलात्काराच्या घटनेनं 10 सप्टेंबर मुंबई हादरली. मुंबईतील साकीनाका भागात एका महिलेवर अत्याचार करण्यात आले. साकीनाका भागातील खैराणी रोडवर 32 वर्षीय महिलेवर आधी बलात्कार करण्यात आला. त्यानंतर तिच्यावर प्रायव्हेट पार्टमध्ये लोखंडी रॉड टाकल्याचा क्रूर प्रकारही नराधमाने केला. या घटनेची माहिती पोलिसांना मिळाल्यानंतर पोलिसांनी महिलेला रुग्णालयात दाखल केलं. तर आरोपी मोहित चौहानला बेड्या ठोकल्या. मात्र उपचारादरम्यान या पीडितेचा यामध्ये मृत्यू झाला.
हे वाचलं का?
