आर्थिक विवंचनेतून बीडमध्ये वास्तव्यास असलेल्या एसटी बसचालकाने आत्महत्या करत आपलं जीवन संपवलं आहे. बीडच्या अंकुशनगर भागात वास्तव्यास असलेल्या तुकाराम सानप यांनी गळफास घेऊन आपलं जीवन संपवलं आहे.
तुकाराम सानप हे बीड आगारात चालक म्हणून कार्यरत होते. गेल्या काही महिन्यांपासून सानप हे तुटपुंज्या वेतनामुळे अडचणीत सापडले होते. त्यातही बऱ्याचदा वेतन वेळच्यावेळी मिळत नसल्यामुळे बऱ्यातचे त्यांना आर्थिक अडचणींचा सामना करावा लागायचा. या नैराश्यातूनच सानप यांनी हे पाऊल उचलल्याचा आरोप नातेवाईकांनी केला आहे.
या घटनेची माहिती समजताच पोलिसांनी घटनास्थळी पोहतच पंचनामा करत मृतदेह शवविच्छेदनासाठी जिल्हा रुग्णालयात पाठवला आहे. सानप यांच्या पश्चात त्यांना पत्नी व दोन लहान मुलं आहेत.
