ST कर्मचाऱ्यांचे कामबंद आंदोलन, उस्मानाबाद जिल्ह्यात 36 कर्मचारी निलंबित

एसटीचे राज्य सरकारमध्ये विलीनीकरण करावे या मागणीसाठी आंदोलन करणाऱ्या 542 जणांचे निलंबन करण्यात आले त्यात उस्मानाबाद जिल्ह्यातील 6 आगारातील 36 कर्मचारी यांचा समावेश आहे. उस्मानाबाद जिल्ह्यात या आंदोलनात सहभागी कर्मचारी यांच्यावर प्रथमच निलंबनाची कारवाई करण्यात आली त्यामुळे मोठी खळबळ उडाली आहे.

एसटीचे राज्य सरकारमध्ये विलीनीकरण करावे या मागणीसाठी सुरू असलेल्या कर्मचारी यांचे निलंबन करण्यास सरकारने सुरुवात केली आहे. मंगळवारी 376 कर्मचारी याचे तर बुधवारी 20 जिल्ह्यातील 542 कर्मचाऱ्यांवर निलंबनाची कारवाई करण्यात आली. त्यात उस्मानाबाद जिल्ह्यातील 36, नागपूर 46,वर्धा 10,भंडारा 30,चंद्रपूर 15,अकोला 20, बुलढाणा 34, यवतमाळ 20,अमरावती 20,औरंगाबाद 10,बीड 22,परभणी 25,नाशिक 40,अहमदनगर 20,जळगाव 28, पुणे 26,सांगली 58,सातारा 2,सोलापूर 35 तर रायगड जिल्ह्यातील 19 कर्मचारी यांचे निलंबन करण्यात आले.